Thursday 26 September 2013
23:54 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །ཨེ་མ་ཧོའི་ཁྱད་ཆོས་སྙིང་ཐིག་སྙིང་གི་མེ་ལོང་ཞེས་བྱས་བ།
།
ན་མོ་གུ་རུ་བུདྡྷ་ཛྙྰ་ན་པདྨ་ཀ་ར་ཡེ། །
༡
ཆོས་སྐུའི་བླ་མ་སངས་རྒྱས་ཀུན་ཏུ་བཟང་། །
ཆོས་ཅན་གྲུབ་མཐའ་ཀུན་གྱི་སྙིང་པོའི་དོན།
མ་ལུས་གནད་ཀུན་འདུས་པའི་རྫོགས་པ་ཆེས།།
ཚེ་གཅིག་འཇའ་ལུས་གྲུབ་པས་དུས་ཀུན་སྐྱོངས།
།
༢
ཀུན་བཟང་ཡབ་ཡུམ་སངས་རྒྱས་ཡེ་ཤེས་རྩལ། །
ཟབ་ཞི་སྤྲོས་བྲལ་རྟོགས་པའི་རྣལ་འབྱོར་དང་།
།
ཀ་ལྷུན་དགོངས་པར་བརྙེས་པའི་བླ་མ་རྣམས། །
སྔ་འགྱུར་རིག་འཛིན་བརྒྱུད་པའི་ཁྱད་ཆོས་ལགས།
།
༣
འཁྲུལ་མེད་ལམ་གྱི་ཟབ་རྒྱས་དགོངས་པའི་བཅུད།
།
མ་ལུས་སྨིན་གྲོལ་ཐོབ་པའི་སྐལ་བཟང་དཔལ། །
ངེས་ཤེས་རིན་ཆེན་སྒྲོན་མེའི་དཔལ་དགྱེས་པས།
།
གསང་ཆེན་རྡོ་རྗེའི་དཔལ་འབར་ཨེ་མ་ཧོ།
༤
སྡོམ་གསུམ་སྙིང་པོར་སྤང་བསྒྱུར་གྲོལ་གསུམ་གྱིས།
།
ཐབས་ཤེས་རིག་གྲོལ་རྫོགས་པ་ཆེན་པོའི་གནད།
།
བླུན་རྨོངས་ཕྱོགས་རིས་ཅན་ལ་ཅི་ཆ་ཡང་། །
འགལ་མེད་ཉམས་སུ་ལེན་མཁས་ཨེ་མ་ཧོ། །
༥
སྟོན་པ་བླ་མེད་སངས་རྒྱས་བཅོམ་ལྡན་འདས། །
སྐྱོབ་པ་མཚུངས་མེད་ཨོ་རྒྱན་རིན་པོ་ཆེ། །
འདྲེན་པ་ཟླ་མེད་མདོ་སྔགས་བདུད་རྩི་བཅུད།
།
ཇི་བཞིན་རོལ་མཁས་དགེ་འདུན་ཨེ་མ་ཧོ། །
༦
མཚན་ལྡན་བླ་མར་འོད་གསལ་སྙིང་པོ་བརྟས། །
བསྐྱེད་རྫོགས་ལམ་ཀུན་སྲོག་སྡོམ་གཟེར་བཞིས་གདམས།
།
ཏིང་འཛིན་མི་གཡོ་མཉམ་རྗེས་ལེགས་མཛད་པའི།
།
སུམ་ལྡན་རིག་འཛིན་རྒྱལ་པོ་ཨེ་མ་ཧོ། །
༧
སྙིང་རྗེ་ཞི་གནས་བརྩེ་ཆེན་འགྲོ་ལ་གཟིགས།
།
ཤེས་རབ་ལྷག་མཐོང་དམིགས་མེད་དབྱིངས་དང་མཉམ།
།
ཐབས་ཤེས་གདམས་པའི་གཏེར་མཛོད་མ་ཎི་ཀ །
ཚངས་སྤྱོད་ལམ་གྱི་རྣལ་འབྱོར་ཨེ་མ་ཧོ། །
༨
རྒྱ་ཆེན་སྤྱོད་པའི་ཕྱིན་དྲུག་འཛིན་སྐྱོང་སྤེལ།
།
ཟབ་མོའི་ལྟ་བའི་རྟེན་འབྲེལ་མངོན་གྱུར་ནས།
།
ཀ་དག་ལྷུན་གྲུབ་གཞི་ཡི་གནས་ལུགས་ཉིད། །
བརྡ་དོན་རྟགས་སྟོན་མཁན་ཆེན་ཨེ་མ་ཧོ། །
༩
ཆོས་ཉིད་རང་ངོ་ཤེས་པའི་ངང་ལ་གནས། །
རང་རིག་རྗེན་པ་འཆར་བའི་སྨིན་གྲོལ་བསྩལ།།
ཚེ་གཅིག་སངས་རྒྱས་འདོད་པའི་སྐལ་བཟང་ངོར
།
ཡབ་ཆེན་ཀུན་ཏུ་བཟང་པོ་ཨེ་མ་ཧོ། །
༡༠
ཀུན་བཟང་སྨོན་ལམ་གསོལ་འདེབས་བདེན་པའི་དཔལ།
།
དྲང་སྲོང་བདེན་ཚིག་བརྡལ་མཁས་དགྱེས་པའི་གར།
།
གསང་ཆེན་བསྟན་པའི་སློབ་དཔོན་རྡོ་རྗེ་འཛིན།
།
ངེས་དོན་ཆོས་ཀྱི་རྒྱལ་པོ་ཨེ་མ་ཧོ། །
༡༡
ངེས་འབྱུང་ལམ་སྣ་ཟིན་པའི་དགེ་སྦྱོང་མཆོག
།
བྱང་ཆུབ་སེམས་མཆོག་ལྡན་པའི་རྒྱལ་སྲས་ཆེ།
།
སྣང་སྲིད་དག་མཉམ་རྟོགས་པའི་རྣལ་འབྱོར་རྗེ།
།
ཐེག་གསུམ་བསྟན་པའི་འོད་སྣང་ཨེ་མ་ཧོ། །
ཞེས་པ་རབ་རྒྱན་ཆུ་སྦྲུལ་སྨིན་ཟླའི་ཚེས་བཅུ་ཉིན་འབྲུག་མཁན་པོ་ཐུབ་བསྟན་རྡོ་རྗེ་དང་དཔལ་ཆེན་རྡོ་རྗེ་སོགས་འདུས་པ་བརྒྱ་ཕྲག་གིས་དད་གུས་ཀྱི་རྟེན་འབྲེལ་ཟབ་མོས་བསྐུལ་བ་ལ་བསྟེན་ནས་དེ་ཉིད་དུ་གང་དྲན་དུ་གདམས་པའི་ཚུལ་དུ་སེངྒྷ་གླིང་ཤྲྰིཿམ་ཧྰ་བཛྲའི་ཆོས་ཁང་ནས་ཤྲྰིཿསྨྱོན་ཨེ་མ་ཧོས་གླུ་རུ་བླངས་པར་དགེའོ།
།
Subscribe to:
Post Comments (Atom)
0 comments:
Post a Comment