དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Monday 18 November 2013

ལི་ཐང་དགོན་ཆེན་ལ་མྱ་ངན་ཞུ་སྨོན། །


ཀྱེ་མ་ཧོ། །

 


 
 

 

 

 

 
 
 


 

ཀ་བ་བུམ་པ་མཆོད་རྫས་ལྷ་ཁང་གི། །


ཁ་བའི་སྲོལ་རྒྱུན་རིག་པའི་སྐུ་གསུང་རིགས། །

ག་ཚད་ཡོད་པར་ཐམས་ཅད་མེས་ཚིག་ཀྱང་།

ང་ཚོས་སྐྱོབ་པའི་གོ་སྐབས་བྲལ་འདི་སྐྱོ། །

ཅ་ལག་ཕལ་ཆེར་ཐལ་བའི་ཕུང་པོར་གྱུར། །

ཆ་རྐྱེན་བཟང་པོའི་འདུ་ཁང་ཚིག་པ་འདི། །

ཇ་ཆང་གསོལ་སྟོན་ཆོས་སྐྱོང་མཐུ་མིན་པར། །

ཉ་ཉོག་ནང་བཞིན་མེ་དོགས་མེད་པས་ལན། །

ཏ་ཐྰ་ག་ཏའི་བསྟན་པའི་བདག་པོས་ཀྱང་། །

ཐ་དག་འཇིག་པའི་མི་རྟག་མཐའ་བཞི་གསུངས། །

ད་ནས་དལ་འབྱོར་སྙིང་པོ་ལོན་པར་སྐུལ། །

ན་ཚོད་ཁྱད་མེད་ཀུན་གྱིས་ཆོས་ལ་འབད། །

པ་ར་མི་ཏའི་སྦྱིན་འབུལ་མཆོད་གནས་དང་། །

ཕ་ཡུལ་གནོད་པའི་འབྱུང་དགྲ་འཚེ་བ་ལ། །


བ་གམ་བརླགས་པར་སྙིང་ནས་མྱ་ངན་ཞུ། །

མ་རུང་བར་ཆད་སེལ་བའི་སྨོན་ལམ་འདེབས། །

ཙ་ར་གཅོད་པའི་མེ་དོག་བག་ཡོད་དང་། །

ཚ་བསྲེག་གནོད་པའི་ཕྱི་ནང་རྐྱེན་ངན་ལ། །

ཛ་དྲག་བསལ་བའི་སྲུང་སྐྱོབ་ཀུན་ནས་གཅེས། །

ཝ་ལེར་དྲན་ཤེས་བརྟེན་པ་ཤིན་ཏུ་གལ། །

ཞྭ་སེར་བསྟན་པའི་དགོན་ཆེན་ལི་ཐང་དུ། །

་ཧོར་མཁན་པོའི་རྒྱུད་འཛིན་མཁན་རབ་མང་། །

འ་ཅག་སྐྱིད་སྡུག་གཅིག་པ་སོང་བའི་ཕྱིར། །

ཡ་ཁོག་སྡུག་གིས་ཁེངས་པ་ཉུང་ཉུང་མིན། །

ར་བ་གསེར་དངུལ་དྲ་བས་གཡོགས་ན་ཡང་། །

ལ་ལུང་ལྕགས་རིས་སྲ་མོས་གཏུམས་ན་ཡང་། །

ཤ་ཚ་སྙིང་རྗེས་བདག་སྐྱོང་བྱས་ན་ཡང་། །

ས་འདིར་མི་འཇིག་གནས་པ་གཅིག་ཀྱང་མེད། །

ཧ་ཅང་གཅེས་པའི་ལུས་ཀྱང་དོར་ངེས་པས། །

ཨ་ཁ་ང་ཚོའི་མི་ཚེ་ཡུན་ཐུང་ལ། །

བཤད་སྒྲུབ་ཕྲིན་ལས་བརྩོན་པའི་དགེ་ལུགས་པའི། །

བསྟན་པའི་སྙིང་པོ་རང་གཞན་དོན་སྒྲུབ་སྨོན། །

ལྷག་པར་གར་དབང་ཡེ་ཤེས་རྡོ་རྗེས་དཔུང་། །

གོང་འཕེལ་ལུང་རྟོགས་བསྟན་པ་དར་རྒྱས་ཤོག །

ཧ་ཅང་འགྱོད་པའི་མྱ་ངན་ཞུ་སྨོན་འདི། །

ཨ་ལགས་ཤྲྰིཿ་སྨྱོན་པས་སྙིང་ནས་ཕུལ། །

ཞེས་པ་འདི་ཡབ་ལི་ཐང་དགོན་ཆེན་གྱི་ལྷ་ཁང་མེ་རུ་འབར་བའི་གསར་འགྱུར་ངན་པ་དགེ་བཤེས་བེ་རི་འཇིགས་མེད་དབང་རྒྱལ་གྱི་ངོ་དེབ་ལས་མཇལ་མ་ཐག་ཤྲྰིས་བོད་ཡུལ་གྱི་ས་ཆུ་མེ་རླུང་གི་འཇིགས་པ་ལ་སེམས་ཁྲལ་བཅས་བྲིས་པར་དགེའོ། །

0 comments:

ཟིན་བྲིས་འཚོལ་ཡུལ