དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Tuesday 19 November 2013

༄༅།།ཨེ་མ་ཧོའི་འཁྲུངས་སྐར་ལ་ཕུལ་བ་དབྱངས་གསལ་རོལ་མོ། །


ན་མོ་མ་ཧྰ་གུ་རུ་ཨེ་མ་ཧོ། །


ཀ་ངོ་ཨ་ངོ་ཤེས་ནས་བཟུང་སྟེ། །


ཁ་བའི་བདེ་སྡུག་སེམས་ལ་ཤར་བས། །


ག་ས་ག་བར་ལྷག་བསམ་དཀར་པོ། །


ང་ཡི་སྙིང་གི་དཀྱིལ་ནས་བརྟས་སོང་། །


ཅ་ཡི་ན་ལ་དགྲ་རུ་མཐོང་ནས། །


ཆ་ལུགས་གཙང་མ་བོད་ལྭ་གྱོན་ནས། །


ཇ་རྩམ་གྲོ་མའི་འཚོ་བ་སྐྱལ་ནས། །


ཉ་ཉོག་བཟང་པོའི་གཤིས་ཀ་ཆགས་སོང་། །


ཏ་ཐྰ་ག་ཏའི་བསྟན་པ་མཇལ་བས། །


ཐ་དག་དགེ་བའི་བསམ་པར་གོམས་ནས། །


ད་ནས་བཟུང་སྟེ་བྱང་ཆུབ་བར་དུ། །


ན་མོའི་དད་གུས་བླ་མ་དཀོན་མཆོག །


པ་ལགས་གྱ་དམར་དམག་གིས་བསད་པས། །


ཕ་མེད་དྭ་ཕྲུག་ཁེར་རྐྱང་གྱུར་དུས། །


བ་གླང་ཟོག་གི་རྗེས་ལ་དེད་ནས། །


མ་རྒན་དྲིན་ཆེན་ཕྱག་རོགས་བྱས་ཡ། །


ཙ་རི་གནས་སྐོར་རྐང་ལམ་འགྲིམ་ཞིང་། །


ཚ་གྲང་ངལ་བས་ཆོས་ལམ་དཀའ་བསྐྱོད། །


ཛ་ཡའི་གདན་ས་ཕྱི་ནང་མཇལ་བས། །


ཝ་ལེར་བསམ་ན་སེམས་ཉིད་སྐྱིད་པོ། །


ཞྭ་དམར་བསྟན་པའི་ཆོས་སྒོར་ཞུགས་ནས། །


ཟ་ཧོར་མཁན་སློབ་ལྟ་སྒོམ་བརྩོན་པས། །


འ་ཅག་སྐལ་བཟང་ངེས་དོན་སྙིང་པོ། །


ཡ་མཚན་གཉུག་མ་སྙིང་གི་དཀྱིལ་འཁོར། །


ར་བ་གངས་དཀར་གྱེས་བརྡ་སྟོན་ནས། །


ལ་ལུང་མང་པོ་ཐབས་ཀྱིས་བགྲོད་དེ། །


ཤ་ཚའི་ཆོས་སྦྱིན་འགྲོ་ལ་སྤེལ་བས། །


ས་ཁྱོན་ཤར་ནུབ་ཤར་གྱིས་མཐོང་ཐལ། །


ཧ་ཅང་མཛེས་པའི་མཁར་ལ་མ་ཆགས། །


ཨ་ལགས་ཕྱུག་པོས་རྐུབ་ལ་མ་བལྡགས། །


ཧ་ཤང་བཙུན་པའི་ཆས་སུ་ཞུགས་ནས། །


ཨ་མའི་བུ་ང་ནུབ་ཏུ་འཕུར་སོང་། །


ཨི་ལྡན་དབྱངས་གསལ་མི་ཚེ་སྐྱལ་ཞིང་། །


ཨུ་ཚུགས་མི་དགོས་རང་ཚུགས་ཟིན་ནས། །


ཨེ་མ་ཧོ་ཞེས་མིང་དོན་མཚུངས་པས། །


ཨོ་རྒྱན་བླ་མའི་བཀའ་དྲིན་ཤེས་ཡོད། །


ཨ་མ་དྲིན་ཆེན་ཚེ་གཡོག་བྱེད་བཞིན། །


ཨ་ཁུའི་མི་ཚེ་ཆོས་ལ་འབད་བཞིན། །


ཨ་ལ་ལ་ཧོ་འདི་བདེ་ཕྱི་སྐྱིད། །


ཨ་ཕོ་རང་གི་སྔོན་བསགས་ལོས་ཡིན། །


མཐོ་ན་ཁེངས་དྲག་རི་བོ་འཇོམས་ཞིང་། །


དྲ་ཁང་ནང་ནས་ཁྱི་རྒན་ཉུལ་ཉུལ། །


སྨད་ན་རི་ཤན་གདམས་ངན་མགུར་གླུ། །


དབྱངས་གསལ་རོལ་མོ་འབྲུག་སྟོང་གྲགས་གྲགས། །


རྩ་གསུམ་ཆོས་སྐྱོང་ཐུགས་དམ་བསྐུལ་ཞིང་། །


མཆོག་གསུམ་རྒྱལ་བར་སྐྱབས་སུ་འཛིན་པས། །


བསླབ་གསུམ་ལྡན་པའི་སྐལ་བཟང་སློབ་ཚོགས། །


སྐུ་གསུམ་ཞིང་དུ་འདྲེན་པའི་ཕྲིན་ལས་རྒྱས་སོང་། །


ཅེས་པ་འདི་ཡང་གནས་མཆོག་འཕགས་པ་ཤིང་ཀུན་ནས་ཕྱི་ལུགས་༢༠་༡༡་༢༠༡༣་ལ་བདག་གི་སྐྱེས་སྐར་ཡིན་པར་གསེར་མདོག་ལྕང་ལོ་ཅན་གྱི་གྲོགས་པོ་འགས་འདོད་པ་བཞིན་གང་ཤར་དུ་ཤྲྰིཿ་ཨེ་མ་ཧོས་རང་གི་སྐྱེ་སྐར་ལ་དྲིན་ཆེན་ཕ་མའི་མགྲིན་ཚབ་ཏུ་དབྱིན་ཡུལ་བོད་བརྒྱུད་ནང་བསྟན་སློབ་གླིང་ནས་བྲིས་པར་དགེའོ། །

0 comments:

ཟིན་བྲིས་འཚོལ་ཡུལ