Saturday, 4 January 2014
22:23 | 
Posted by
༄༅།། ཨེ་མ་ཧོའི་རིག་མཛོད་། |
བོད་ཀྱི་མཁན་པོ་བསོད་དར་རྒྱས་༢༠༡༣ལོའི་མི་སྣ་དུས་དེབ་དུ་ཚུད་པར་རྟེན་འབྲེལ་ཞུ།།
|
| 2014-1-4 19:01:50 |
བོད་ཀྱི་མཁན་པོ་བསོད་དར་རྒྱས་༢༠༡༣ལོའི་མི་སྣ་དུས་དེབ་དུ་ཚུད་པར་རྟེན་འབྲེལ་ཞུ།།
༢༠༡༣ལོར་རང་གི་གྲུབ་འབྲས་ཀྱིས་དུས་རབས་ལ་ཤུགས་རྐྱེན་ཐེབས་ཡོད་པའི་མི་སྣ་གྲགས་ཅན་བཅུ་གསུམ་གྱི་ནང་དུ་བོད་ཀྱི་མཁན་པོ་བསོད་དར་རྒྱས་ཀྱང་བཞུགས་ཐུབ་འདུག་པས་འདི་ནི་བོད་མི་རིགས་ཀྱི་གཟི་བརྗིད་ཅིག་རེད་ལ། བོད་ཀྱི་རིག་གནས་ཀྱི་གཟི་བརྗིད་ཅིག་ཀྱང་རེད། ཐོག་མར་མཁན་པོ་ཁོང་ཉིད་ལ་རྟེན་འབྲེལ་ཞུ་དགོས་པ་དང་ཆབས་ཅིག བོད་ཀྱི་རིག་གནས་པ་ཚོས་ཀྱང་མུ་མཐུད་དུ་རང་རང་སོ་སོའི་ཁྱད་ཆོས་ཇེ་ལེགས་སུ་གཏོང་སྟེ་ཕྱོགས་སོ་སོ་ནས་བོད་ཀྱི་རིག་གནས་དར་སྤེལ་གཏོང་ཞིང་རང་གི་མི་ཚེར་ཡིད་ཕམ་མེད་པའི་བྱ་བ་རླབས་ཆེན་རེ་བསྒྲུབ་ཐུབ་པ་ལ་འབད་དགོས། སྤྱིར་བོད་མི་རིགས་འདི་ནང་ལ་ཁ་མ་དྲོ་ཞིང་ཕྱིར་བཀྲ་མ་ཤིས་པ་ཞིག་མིན་ནའང་། སོ་སོས་གྲུབ་མཐའི་ཕྱོགས་རིས་དང་ཕྲག་དོག་སོགས་སྐྱུར་ནས་༼ བོད་ ༽ཅེས་པའི་མིང་འདི་གཙོ་བོར་བཞག་ནས་མཐུན་སྒྲིལ་དང་ཕན་ཚུན་རྒྱབ་སྐྱོར་བྱེད་དགོས་པ་ནི་ཤིན་ཏུ་གལ་ཆེ་སྟེ། མི་རིགས་གཞན་པ་ཚོས་བོད་ལྟར་ཁྱོད་ངན་ང་ཡག་ཟེར་ནས་བསྡད་མེད་པས་སོ། བོད་མི་རིགས་ནི་མི་གྲངས་ཤིན་ཏུ་མང་ལ། ཕྱོགས་ཁག་ཤིན་ཏུ་མང་པའི་མི་རིགས་ཤིག་རེད། མི་རིགས་འདི་འཛམ་གླིང་འདིའི་ཐོག་ཏུ་ཡུན་རིང་གནས་དགོས་རུང་། ཕ་སྐད་གཙང་མ་དང་ཆོས་ལུགས་དད་མོས། ཡུལ་སྲོལ་གོམས་གཤིས། མཐུན་སྒྲིལ་གྱི་ནུས་པ་སོགས་ལ་ཐུག་ཡོད་པས། ཀུན་གྱིས་ཕྱོགས་རིས་ཀྱི་ལྟ་བ་ཕར་སྐྱར་ནས་ཕན་ཚུན་མཐུན་སྒྲིལ་བྱེད་ཅིང་རྒྱབ་སྐྱོར་ཡོད་པར་མཁྱེན་མཁྱེན།།།།
|
Subscribe to:
Post Comments (Atom)
0 comments:
Post a Comment