Thursday, 3 April 2014
12:55 | 
Posted by
༄༅།། ཨེ་མ་ཧོའི་རིག་མཛོད་། |
བོད་བརྒྱུད་ནང་བསྟན་དར་སྤེལ་བགྲོ་གླེང་ཐའེ་ཝན་དུ་ཚུགས་པ།
གནས་ཚུལ་ཕྱོགས་བསྡུ་མཁན།
རྫ་ཚེ་རིང་བཀྲ་ཤིས།
ཁར་རྩང་། སྤྱི་ལོ་༢༠༡༤ སྤྱི་ཟླ་༤ པའི་ཚེས་༢ ཉིན་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ནང་བསྟན་དར་སྤེལ་བགྲོ་གླེང་ཐེངས་བཞི་པ་དེ་རྒྱལ་ས་ཐའེ་པེ་ཐའེ་ཝན་ནང་བསྟན་གཞོན་ནུའི་ཚོགས་ཁང་དུ་འཚོགས།
དེ་ཡང་། ཐོག་མར་བགྲོ་གླེང་གི་མདོ་འཛིན་པ་ཞིབ་འཇུག་ཚོགས་པའི་འགན་འཛིན་རྒྱུན་ལས་སློབ་དཔོན་བསོད་ནམས་ཕུན་ཚོགས་ཀྱིས་ཚོགས་འདུ་དབུ་འཛུགས་ཀྱི་ཁྱབ་བསྒྲགས་གནང་རྗེས། ཞིབ་འཇུག་ཚོགས་པའི་གཙོ་འཛིན་གཞོན་པ་ལྷ་རམས་པ་ཧ་ཤིན་རིན་པོ་ཆེས་ཞིབ་འཇུག་ཚོགས་པའི་འཚམས་འདྲིའི་གསུང་བཤད་གནང་།
དེ་རྗེས་བགྲོ་གླེང་དངོས་གཞིའི་སྔ་དྲོའི་ཐུན་གཉིས་ཀྱི་རིང་། ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་རྣམ་པས་གཙོ་བོར། ༸གོང་ས་མཆོག་གིས་ཞིབ་འཇུག་ཚོགས་པར་གནང་བའི་བཀའ་ཤོག་གི་འབྲུ་དོན་འགའ་དང་འབྲེལ་ཡོད་ཀྱི་ཐོག་ནས། དཔལ་ནཱ་ལེནྡྲའི་ཆོས་བརྒྱུད་དང་བོད་བརྒྱུད་གནང་བསྟན་བར་གྱི་ཐུན་མིན་གྱི་འབྲེལ་བ་དང་མདོ་སྔགས་འགལ་མེད་ཀྱི་ཉམས་ལེན། ཐའེ་ཝན་རྒྱ་བརྒྱུད་ནང་བསྟན་དང་བོད་བརྒྱུད་ནང་བསྟན་བར་གྱི་མིག་སྔའི་འབྲེལ་ལམ་གནས་སྟངས་དང་ལེགས་བཅོས་བྱེད་ཕྱོགས་བཅས་དོན་ཚན་གསུམ་གྱི་ཐད་བགྲོ་གླེང་གནང་ཞིང་། ་ཞིབ་འཇུག་ཚོགས་པའི་འགན་འཛིན་རྒྱུན་ལས་དབང་སྟོད་སྤྲུལ་སྐུ་ཐུབ་བསྟན་ནོར་བུས་ལོ་སྔ་མའི་བགྲོ་གླེང་བརྙན་འཁོར་སྲེག་ཕབ་དང་འབྲེལ་བའི་གསལ་བཤད་བཀའ་སློབ་གནང་།
སྔ་དྲོའི་ཚོགས་ཐེངས་གཉིས་ཀྱི་མཇུག་ཏུ་ཞིབ་འཇུག་ཚོགས་པའི་ལས་ཐོག་འགན་འཛིན་དང་། སྐབས་འདིའི་བགྲོ་གླེང་གཙོ་སྐྱོང་བ་མཁན་པོ་རྫ་ཚེ་རིང་བཀྲ་ཤིས་ཀྱིས་སྐར་མ་བཅུ་ལྷག་རིང་འབྲེལ་ཡོད་གཏམ་བཤད་ཁག་ལ་དབྱེ་ཞིབ་དང་ཕྱོགས་སྡོམ་བྱས།
ཕྱི་དྲོའི་ཆར་མུ་མཐུད། ཞིབ་འཇུག་ཚོགས་པའི་སྐབས་གཉིས་པའི་འགན་འཛིན་དང་ད་ལྟའི་འགན་འཛིན་རྒྱུན་ལས་ཀཿཐོག་རིག་འཛིན་ཆེན་པོས་ཞིབ་འཇུག་ཚོགས་པའི་ད་ཡོད་གནས་སྟངས་དང་འབྱུང་འགྱུར་ཁ་ཕྱོགས་ཞེས་པའི་བརྗོད་གཞིའི་ཐོག་གཏམ་བཤད་དང་། ཞིབ་འཇུག་ཚོགས་པའི་ཡན་ལག་སྡེ་ཚན་TTBtvཐའེ་ཝན་བོད་བརྒྱུད་དྲ་བརྙན་གྱི་ལག་བསྟར་འགན་འཛིན་མཁན་པོ་ཆོས་ཉིད་དོན་རྟོགས་ཀྱིས་ཐའེ་ཝན་བོད་བརྒྱུད་ནང་བསྟན་དྲ་བརྙན་གྱི་འདས་པའི་ལས་དོན་གྲུབ་འབྲས་ལ་ཕྱིར་རྟོག་དང་། འབྱུང་འགྱུར་ཡར་རྒྱས་གཏོང་ཕྱོགས་སྐོར་ཞེས་པའི་བརྗོད་གཞིའི་ཐོག་གཏམ་བཤད་གྲུབ་རྗེས་ཚོགས་ཞུགས་པ་ཡོངས་ཀྱིས་མུ་མཐུད་མདོ་འཛིན་པའི་ལྟ་བསྐུལ་འོག་ཕྱི་དྲོའི་བརྗོད་གཞི་ཁག་སོ་སོ་དང་འབྲེལ་བའི་གཏམ་བཤད་དང་བགྲོ་གླེང་གནང་ཞིང་། གཙོ་སྐྱོང་བས་ཀྱང་དུས་ཐོག་བགྲོ་གླེང་གི་སྙིང་དོན་ཕྱོགས་སྡོམ་བྱས།
ཚོགས་ཐེངས་ཐ་མར། ཧ་ཤན་རིན་པོ་ཆེས་ཐའེ་ཝན་བོད་བརྒྱུད་ནང་བསྟན་པའི་ངོས་ནས་གནས་དུས་དང་མཐུན་པའི་སྟོན་པའི་འཁྲུངས་སྐར་སྲུང་བརྩི་ཞུ་སྟངས་ཀྱི་སྐོར་ལ་གཏམ་བཤད་དང་འབྲེལ། འདི་ལོ་ ཞིབ་འཇུག་ཚོགས་པའི་ངོས་ནས་སྤྱི་ཟླ་ལྔ་པའི་ཚེས་བཞིར་འཚོགས་གཏན་ཁེལ་བའི་སངས་རྒྱས་འཁྲུངས་སྐར་གྱི་མཛད་སྒོའི་ལས་རིམ་ཁྱབ་བསྒྲགས་དང་། བོད་བརྒྱུད་ནང་པ་ཡོངས་ནས་དུས་ཆེན་འདིར་དམིགས་བསལ་ཐུགས་སྣང་གནང་དགོས་པའི་འབོད་སྐུལ་ཞུས་རྗེས། ཚོགས་ཞུགས་པ་ཡོངས་ནས་འབྱུང་འགྱུར་ཐའེ་ཝན་བོད་བརྒྱུད་ནང་བསྟན་ལས་དོན་སྐོར་གྱི་ཕྱོགས་བསྡུས་བསམ་ཚུལ་ཞེས་པའི་བརྗོད་གཞིའི་ཐོག་ལ་ཐུན་མོང་བགྲོ་གླེང་བྱས།
བགྲོ་གླེང་གི་ཐུན་ཐ་མའི་མཇུག་ཏུ། གཙོ་སྐྱོང་བས། ཚོགས་ཞུགས་པ་ཡོངས་ཀྱི་ཉིན་ཧྲིལ་པོའི་བགྲོ་གླེང་གི་རྣམ་འགྱུར་དང་ནང་དོན་ལ་གདེངས་འཇོག་གང་ལེགས་དང་འབྲེལ། བརྗོད་དོན་ལ་དབྱེ་ཞིབ་དང་། མང་ཆེ་ཤོས་ཀྱིས་རིས་མེད་དང་འབྲེལ་བའི་བརྗོད་གཞིའི་ཐོག་ལ་གྲོས་གླེང་ཤུགས་ཆེ་ཤོས་བྱས་ཡོད་པའི་ངོས་འཛིན་བྱས་པར་མ་ཟད། གཙོ་སྐྱོང་བས། གལ་ཏེ་དོན་དམ་པའི་རིས་མེད་ཅིག་ཡོང་དགོས་ན། དེ་ནི་མཐུན་སྒྲིལ་དང་གཞན་ཕྱོགས་ཀྱི་ལེགས་ཆ་མཐོང་བ་ལ་རྟེན་ནས་ཡོང་དགོས་ཤིང་། དེ་ཡང་། གཞན་ཕྱོགས་ཀྱི་ལེགས་ཆ་དང་། དགེ་མཚན་མཐོང་བའི་བློ་སྟོབས་བཟང་པོ་ཞིག་ཡོད་རྒྱུ་ནི་མི་རེ་ངོ་རེ་སོ་སོ་རང་ངོས་ནས་ཆེས་གལ་ཆེ་ཤོས་ཀྱི་མགོ་འཛུགས་དེ་ཡིན། ཞེས་པའི་བསམ་ཚུལ་བཏོན། དེ་བཞིན། འབྱུང་འགྱུར་ཟླ་བ་འདིའི་སྤྱི་ཚེས་བཅུ་གཉིས་དགུང་མོ་ཞིབ་འཇུག་ཚོགས་པས་གོ་སྒྲིག་ཞུ་གཏན་ཁེལ་བའི་མཁན་ཆེན་ཚུལ་ཁྲིམས་བློ་གྲོས་མཆོག་གི་ཐའེ་ཝན་གྱི་ཐེངས་འདིའི་ཡོངས་བསྒྲགས་མཛད་རིམ་དང་པོ་བོད་བརྒྱུད་ནང་བསྟན་གྱི་ཉམས་ལེན་དང་སློབ་སྦྱོང་གི་རིམ་པ་ཞེས་པའི་བརྗོད་གཞིའི་ཐོག་བཀའ་སློབ་གསུང་བཤད་ཀྱི་ལས་རིམ་ཡང་ཁྱབ་བསྒྲགས་གནང་།
མཐར།
ཐེངས་འདིའི་བགྲོ་གླེང་གོ་སྒྲིག་ཚོགས་ཆུང་གི་ཚོགས་མི།
ཞིབ་འཇུག་ཚོགས་པའི་འགན་འཛིན་རྒྱུན་ལས་བླ་མ་ཡེ་ཤེས་རབ་རྒྱས་ནས་བགྲོ་གླེང་གོ་སྒྲིག་ཚོགས་ཆུང་གི་ཚབ་བྱས་ནས་ཐུགས་རྗེ་ཆེ་ཞུའི་གཏམ་བཤད་དང་འབྲེལ།
ཁོང་ཉིད་ཞིབ་འཇུག་ཚོགས་པར་འབྲེལ་བ་བྱུང་བ་ནས་འཛུལ་ཞུགས་བྱས་པའི་བར་གྱི་སྔ་རྗེས་དང་།
ཞིབ་འཇུག་ཚོགས་པའི་གལ་ཆེའི་རང་བཞིན། བོད་པ་སྤྱི་དང་།
ཁྱད་པར་བོད་པའི་སྒྲིག་འཛུགས་དག་ལ་ཆིག་སྒྲིལ་མེད་པའི་དཀའ་ངལ་སེལ་བར་ཤུགས་རྒྱག་དགོས་ཚུལ་སོགས་ཀྱི་ཐད་གསུང་བཤད་གནང་བ་བཅས་གྲུབ་མཐར།
སྐབས་འདིའི་ཚོགས་ཁང་གི་སྦྱིན་བདག་ཐའེ་ཝན་ནང་བསྟན་གཞོན་ནུའི་མཐུན་ཚོགས་ཀྱི་ཚོགས་གཙོ་དང་ཞིབ་འཇུག་ཚོགས་པའི་ཚོགས་གཙོ་མཁན་པོ་རྫ་ཚེ་རིང་བཀྲ་ཤིས་ཟུང་གིས་ཚོགས་པའི་ཟུང་གི་མཚན་ཐོག་ནས་ཕན་ཚུན་ཐུགས་རྗེ་ལེགས་གསོལ་འབུལ་བཞེས་གྲུབ་རྗེས་ཐེངས་འདིའི་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ནང་བསྟན་དར་སྤེལ་བགྲོ་གླེང་ཐེངས་བཞི་པ་རྒྱལ་ཁའི་ངང་ནས་མཇུག་དྲིལ།
དེ་ཡང་བགྲོ་གླེང་ལས་རིམ་ཧྲིལ་པོར་ཁྱོན་མཁན་སྤྲུལ་དགེ་བཤེས་བཙུན་མ། ཐའེ་ཝན་གནས་བཞུགས་བོད་རིགས་སློབ་མ་གཅིག་དང་། སྐད་སྒྱུར་ལས་དོན་བྱེད་བཞིན་པ་གཅིག་བཅས་ཐེ་བའི་ཚོགས་ཕེབས་པ་ཞལ་གྲངས་སུམ་ཅུར་ཉེ་བས་ཆ་ཤས་བླངས་ཡོད་པ་དང་། དེ་ཡང་བགྲོ་གླེང་ནང་དོན་ཁག་རགས་ཙམ་ཕྱོགས་བསྡུས་བྱས་ན།
དེ་ཡང་ཐོག་མར། (དགེ་ལུགས་སེ་ར་སྨད)ཧ་ཤིན་རིན་པོ་ཆེས། ཆོས་བརྒྱུད་བཞི་ཞེས་པ་ལས་ཆོས་ལུགས་བཞི་ཞེས་པའི་ཐ་སྙད་སྤྱོད་པ་དོན་ནས་མིན་པའི་གསམ་ཚུལ་བཏོན་གནང་ཞིང་། ཁྱད་པར་ཁོང་གིས་རིས་མེད་ཀྱི་ཕྱོགས་ལ། པན་ཆེན་བློ་བཟང་ཆོས་རྒྱན་གྱི་རིས་མེད་གནང་སྟངས་གཞན་ལུགས་ལ་སྙིང་ནས་དག་སྣང་བྱེད་པའི་སྒོ་ནས་རང་ལུགས་ཙམ་འཛིན་སྐྱོང་གཙོར་འདོན་བྱེད་པ་དང་། ལྔ་བ་ཆེན་པོ་སོགས་ཀྱིས་རིས་མེད་གནང་སྟངས་ནི། ལུགས་སོ་སོ་ཅི་བཞིན་མཉམ་ལེན་བྱས་ནས་དགོངས་པ་དབྱེར་མེད་དུ་གཟིགས་ན་ཡང་། ཕྱག་ལེན་ལ་འདེབས་དུས་ཐ་སྙད་ཕྲ་མོ་ཚུན་ཆད་མ་འདྲེས་པར་གཅེས་པར་འཛིན་པའི་སྒོ་ནས་བསྲེ་ལྷད་མེད་པའི་རྣམ་ཐར་འཁྱོངས་བར་ཤོག །ཅེས་པའི་ཐུགས་སྨོན་གནང་དེ་དེ་དོན་ཕྱག་བཞེས་སུ་མཛད་པ་ཞིག་ཡིན་ཚུལ་དང་། སྔ་དྲོའི་བརྗོད་གཞི་གཉིས་པ་དང་འབྲེལ་ཡོད་ཀྱི་ཐོག་ནས་བོད་བརྒྱུད་ནང་བསྟན་གྱི་བརྒྱུད་པའི་ཁུངས་ནཱ་ལེནྡྲ་ལ་གཏུགས་པའི་དགོས་གལ་གསལ་བཤད་དང་། རྒྱའི་སློབ་དཔོན་དག་གིས་ཀུ་མ་ར་ཤྲིའི་ལམ་ཡིག་ལས་མི་གསལ་བ་ཙམ་རྒྱུ་མཚན་དུ་བྱས་ནས་ན་ལེན་དྲ་དུས་རབས་ལྔ་བ་ཙམ་ནས་བྱུང་བའི་འདོད་ཚུལ་ལ་དོགས་སློང་དང་། ཏ་ར་ན་ཐཱའི་རྒྱ་གར་ཆོས་འབྱུང་ལས་མྱ་ངན་མེད་ཀྱི་དུས་ནས་ནཱ་ལེནྡྲར་ནང་བསྟན་གྱི་གནས་གཞི་ཆགས་ཟིན་པར་གསུངས་པའི་ལུང་དྲངས་ཏེ་དོགས་སློང་མཛད།
(འབྲུག་པ་བཀའ་བརྒྱུད)མཁན་པོ་དབང་དགའ་མཆོག་གིས།
སངས་རྒྱས་ཀྱི་དུས་ནས་རྒྱ་གར་དུ་རྒྱལ་བསྟན་མ་འཇིག་བར་གྱི་ནཱ་ལེནྡྲའི་གནས་གནས་བབ་དང་།
ནཱ་ལེནྡྲ་དང་བོད་ཀྱི་འབྲེལ་བ་སོགས་ཀྱི་སྐོར་དང་།
བུ་སྟོན་གྱི་རྒྱུད་སྡེ་སྤྱི་རྣམ་ལུང་དུ་དྲང་ནས་རྒྱུ་ཕ་རོལ་དུ་ཕྱིན་པ་དང་འབྲས་བུ་གསང་སྔགས་རྡོ་རྗེ་ཐེག་པ་ཐབས་དང་ཤེས་རབ་ཟུང་དུ་འབྲེལ་བའི་ཚུལ་དུ་ཤེས་པའི་སྒོ་ནས་མདོ་སྔགས་ཟུང་འབྲེལ་གྱི་གོ་དོན་འཚོལ་སྟངས་ཀྱི་ཐད་ལ་གཏམ་བཤད་གནང་།
ཞིབ་ཚོགས་འགན་འཛིན་རྒྱུན་ལས་(འབའ་རོམ་བཀའ་བརྒྱུད)ཚང་གསར་ཀུན་དགའ་རིན་པོ་ཆེས། སྔ་དྲོའི་བརྗོད་གཞི་གསུམ་པ་དང་རྗེས་འབྲེལ་དུ་རྒྱ་བརྒྱུད་ནང་བསྟན་དང་འབྲེལ་ལམ་འཛིན་སྟངས་དང་། བོད་ཀྱི་དགེ་འདུན་པ་དག་གི་ཀུན་སྤྱོད་ཕྱོགས་ལ་ཐུགས་སྣང་གནང་ཕྱོགས། དུས་དར་དྲ་ལམ་བེད་སྤྱོད་བྱེད་ཕྱོགས་སོགས་ཀྱི་ཐོག་ལ་དགོངས་ཚུལ་བཅས་གསུངས།
(འབྲི་གུང་བཀའ་བརྒྱུད)སྒྲུབ་དཔོན་མགོན་པོ་རྡོ་རྗེ་ནས་བགྲོ་གླེང་འདུ་འཛོམ་སོགས་ཀྱི་གལ་ཆེའི་རང་བཞིན་དང་། ཁྱད་པར་བརྗོད་གཞི་དང་པོའི་ཐོག་ལ། ཆོས་བརྒྱུད་རིས་མེད་ཆགས་དགོས་ན། རིས་མེད་ཀྱི་རྒྱུ་རྐྱེན་ཚང་དགོས་ན་ཆོས་ཀྱི་ཡོན་ཏན་གྱི་ཆ་ནས་ཆོས་བྱེད་མི་སྣའི་ཆེ་ཆུང་མི་མཚོན་པར་མིང་གི་ཆ་ནས་ཆེ་ཆུང་རྩི་བའི་ལུགས་སྲོལ་ལ་འགྱུར་བ་གཏོང་དགོས་པ་འགག་རྩ་ཡིན་པར་ནན་བརྗོད་དང་། རྒྱལ་སྤྱིའི་ཁྲིམས་ལུགས་ཀྱི་ངོས་ནས་རིས་མེད་ལ་ལྟ་བ་དང་། དམངས་གཙོའི་ལྟ་གྲུབ་ཀྱི་གོ་རྟོགས་དང་འབྲེལ་བའི་རིས་མེད་ཀྱི་དགོངས་ཚུལ་ཡང་གསུངས་།
(རྙིང་མ་རྣམ་གྲོལ་གླིང་) མཁན་པོ་མིག་དམར་ནས། ནཱ་ལེནྡྲའི་ཆོས་བརྒྱུད་དང་བོད་བརྒྱུད་བར་གྱི་འབྲེལ་བའི་ཐད་མཁན་ཆེན་ཞི་འཚོ་དང་བོད་བར་གྱི་ལས་སྨོན་གྱི་འབྲེལ་བ་ལས་བརྩམས་ནས་དགོངས་ཚུལ་གསུངས་ཤིང་། རིས་མེད་ཀྱི་ཐད། རང་གི་བསྟན་པར་སྲི་ཞུ་དང་། གཞན་གྱི་ཆོས་བརྒྱུད་ལ་དག་སྣང་གཉིས་ཀྱི་ཐོག་ནས་རིས་མེད་ཀྱི་གོ་དོན། མི་མང་ལ་ནང་ཆོས་ངོ་སྤྲོད་བྱེད་པའི་གལ་གནད་སོགས་གསུངས།
(དགེ་ལུགས་འབྲས་སྤུངས་སྒོ་མང་)དགེ་བཤེས་ཕྲིན་ལས་རྒྱ་མཚོས། བསྟན་པ་དང་གྲུབ་མཐའི་བར་ལ་རྩི་བཀུར་གོང་མཐོར་གཏོང་རྒྱུའི་སྐོར་ལ་ནན་བརྗོད་དང་། རིས་མེད་གླེང་སྐབས་༸གོང་ས་མཆོག་མ་གླེང་ཐབས་མེད་ཡིན་པ་དང་། དེ་ཡང་ད་ལྟའི་བོད་གཞི་ཕྱེས་གཉིས་ཆར་ནས་རིས་མེད་ཀྱི་ཕྱོགས་ལ་དོ་སྣང་བྱེད་པའི་རླབས་རྒྱུན་འདི་དག་གི་རྩ་བ་༸གོང་ས་མཆོག་གི་བཀའ་སློབ་དང་ཕྱག་ལེན་ལས་བྱུང་བ་ངོས་ཟིན་དགོས་གལ་ཆེ་བ་སོགས་ཀྱི་ཐད་གཏམ་བཤད་གནང་།
(ས་སྐྱ་)དགེ་བཤེས་བསོད་ནམས་རྡོ་རྗེ།
ཚོགས་ཞུགས་པས་བགྲོ་གླེང་བྱ་སྐབས་དམིགས་ཡུལ་གཅིག་པ་འཛིན་རྒྱུ་དང་། ཆགས་སྡང་མེད་ཅིང་། རྟོག་དཔྱོད་དང་འབྲེལ་བའི་རིས་མེད་ཅིག་བྱ་རྒྱུའི་སྐོར་ལ་གཏམ་བཤད་གནང་།(རྙིང་མ་རྣམ་གྲོལ་གླིང་)མཁན་པོ་པ་སངས་མཆོག་ནས་ཞིབ་འཇུག་ཚོགས་པ་ཡར་རྒྱས་གཏོང་ཕྱོགས་ལ་འབོད་སྐུལ་གདེང་འཇོག་དང་འབྲེལ། ཐའེ་ཝན་ལྟ་བུར་མཚོན་ན་མང་པོ་ཞིག་ལ་སྐད་ཡིག་གི་ཐོག་ནས་ནང་ཆོས་དར་སྤེལ་ལ་འགོག་རྐྱེན་འཕྲད་བཞིན་པའི་སྐོར་ལ་དོ་སྣང་གནང་རྒྱུ་དང་། རིས་མེད་བྱ་བར་ཚིག་ལ་གོ་བ་ལོན་པ་ཙམ་གྱིས་མི་ཆོག་པར་བརྒྱུད་པའི་ཁུངས་འཚོལ་བ་སོགས་གལ་ཆེན་ཡིན་པ། སྤྱིར་དབང་བཤད་པ་དང་གྲོང་ཆོག་བྱེད་པ་སོགས་ལས་ཆོས་འཆད་ཉན་བྱེད་པ་གལ་ཆེ་བ་ཡིན་ཡང་། དབང་ལས་ཆོས་ཁྲིད་ལ་ཉན་མཁན་ཉུང་བ་དངོས་ཡོད་ཡིན་པའི་རྒྱུ་མཚན་ལ་རྟོག་དཔྱོད་དང་། ཕ་རོལ་གྱི་བསམ་ངོ་དང་མཐུན་ཞིང་དོན་གྱི་གནད་མ་བོར་བ་ཞིག་གི་ཕྱོགས་ལ་ལས་ཀ་བྱ་རྒྱུ་ཧ་ཅང་གལ་ཆེན་ཡིན་པ་གསུངས།
(ཐའེ་ཝན་དོན་གཅོད་ཆོས་དགེ)དགེ་བཤེས་འཇམ་དཔལ་ཆོས་འཛིན་གྱིས། གྲུབ་མཐའ་རིས་མེད་དང་ནཱ་ལེནྡྲ་དང་འབྲེལ་བའི་ཆོས་བརྒྱུད་ཀྱི་བྱུང་བ་ཞིབ་ཚགས་པོས་ཞིབ་འཇུག་བྱ་རྒྱུ་གལ་ཆེན་ཡིན་པ་དང་། མིག་སྔར་ཞིབ་འཇུག་གྲུབ་དོན་གྱི་སྟོང་ཆའི་ཁ་གསབ་དགོས་པ་སོགས་ལ་དགོངས་ཚུལ་བཏོན།(དགེ་ལུགས་སེ་ར་བྱེས)དགེ་བཤེས་དར་རྒྱས་ཀྱིས། བོད་བརྒྱུད་ནི་ནཱ་ལེནྡྲའི་ཆོས་བརྒྱུད་སྤུས་དག་པོ་ཉར་ཚགས་བྱས་པའི་ཆ་ནས་ནང་བསྟན་གྱི་ཁྱབ་ཁོངས་སུ་ཆེས་བསྔགས་འོས་སུ་ཡོད་ཚུལ་དང་། རིས་མེད་ཀྱང་སྤྱོད་ལམ་གྱི་ངོས་ནས་མིན་པ། དེ་བཞིན། ལོ་རྒྱུས་ཁྲོད་ལྟ་གྲུབ་ཐོག་དགག་བྱས་པ་དག་ཀྱང་། ཆགས་སྡང་གི་ཆེད་དུ་མིན་པར་བློ་སྐྱེད་ཀྱི་ཆེད་དུ་ཡིན་པ་སོགས་གསུངས།
༣ (དགེ་ལུགས་སེ་ར་བྱེས)དགེ་བཤེས་ཆོས་དབང་། ཁོང་ཉིད་གྲྭ་ས་ནས་མི་ལོ་ཉི་ཤུའི་རིང་གི་སློབ་སྦྱོང་གི་དུས་ཡུན་ནང་བགྲོ་གླེང་གི་ཚོགས་རར་ཞུགས་ནས་གཏམ་བཤད་བྱེད་པ་སོགས་མ་མྱོང་ཡང་། ཐའེ་ཝན་དུ་ཕེབས་རྗེས་ཞིབ་འཇུག་ཚོགས་པ་དབུ་ཚུགས་ནས་ད་བར་ཚོགས་པ་འདིའི་ལས་དོན་དང་དམིགས་ཡུལ་ལ་ངོས་འཛིན་རྒྱབ་སྐྱོར་མཚོན་ཆེད་རང་ཉིད་བགྲོ་གླེང་ཚང་མར་མཉམ་ཞུགས་གནང་ཡོད་པ་དང་། ཁོང་ཉིད་ལ་ ཚོགས་པ་འདིས་འདས་པའི་ལོ་ལྔ་ལ་ཉེ་བའི་རིང་སྤྱི་ཚོགས་འདིར་མངོན་གསལ་དོད་པོས་བཟང་ཕྱོགས་ཀྱི་ཤུགས་རྐྱེན་ལེགས་པོ་ཐེབས་ཡོད་པའི་མྱོང་ཚོར་ཡོད་ཅེས་གསུངས་ཤིང་། ཚོགས་ཞུགས་གཞན་དག་གིས་ཀྱང་གཅིག་མཚུངས་ཚོགས་པའི་ལས་དོན་ལ་རྒྱབ་སྐྱོར་གྱི་རྣམ་པ་ཤུགས་ཆེར་བསྟན། དེ་བཞིན། ལུགས་གཉིས་སོ་སོར་ཕྱེས་ན་མཁས་པ་ཡིན་གྱི། གཉིས་ཀ་བསྲེ་བར་བྱས་པ་སྐད་བྱེད་པ་ནི་མི་མཁས་པ་ཡིན་ནོ།།ཞེས་པའི་རྒྱལ་ཚབ་རྗེ་གསུང་དྲངས་ནས་རིས་མེད་ནི་རང་ལུགས་ཀྱི་ཚུགས་མ་ཤོར་བའི་ཐོག་ནས་གཞན་ལུགས་ལ་དག་སྣང་མོས་གུས་ཡོད་པ་ཞིག་ལ་གོ་དགོས་པ་སོགས་གསུངས།
(བཀའ་བརྒྱུད་ཐའེ་ཝན་པ)གྲྭ་བློ་གྲོས་རིན་ཆེན་མཆོག་གིས། རྒྱ་བརྒྱུད་ཀྱིས་དོགས་སློང་བྱེད་སའི་ཡུལ་རང་གར་བསྐྱུར་རྒྱུ་མེད། སྔགས་རང་གར་སྟོན་རྒྱུ་མེད།
ཐའེ་ཝན་དང་བ་འདྲེན་ཡུལ་སྤྱིའི་ཆ་ནས་གདམ་ངག་དང་། སློབ་སྦྱོང་བྱེད་སྟངས་ཡིན་མོད། རྒྱ་ཡིག་སྦྱོང་བ་གལ་ཆེ་ན་ཡང་། ལོ་ཚད་དང་བསྟུན་ནས་རིགས་ལམ་སྦྱོང་བ་དང་། ཉམས་ལེན་བྱེད་པ་སོགས་བྱ་དགོས་པ་དང་།
ཤེས་རབ་ཀྱིས་དཔྱད་པ་དག་ཉམས་མྱོང་དང་སྦྲེལ་ཏེ་སེམས་ལ་དད་པ་བརྟན་པོ་ཡོང་བའི་རྐྱེན་དུ་གྱུར་པ་ཞིག་གི་ཐོག་ནས་གང་སྦྱང་བའི་ལྟ་གྲུབ་མི་ཚེ་དང་སྦྱོར་དགོས་ཚུལ། དུས་རབས་བདུན་པའི་སྐབས་སུ་སློབ་དཔོན་རྡོ་རྗེ་ཡེ་ཤེས་སོགས་ཀྱིས་སྤེལ་བའི་གསང་སྔགས་ཡོད་ཀྱང་། ཞོན་ཙང་སོགས་ཀྱི་ལམ་ཡིག་ཏུ་ནཱ་ལེནྡྲར་གསང་སྔགས་དར་བ་མི་གསལ་བ་རྒྱུ་མཚན་དུ་བྱས་ནས་གསང་སྔགས་ལ་དོགས་པ་བྱེད་ཀྱི་ཡོད་སོགས་ཀྱི་སྐོར་ཞིབ་བཤད་གནང་།
(རྙིང་མ་) ཀཿཐོག་རིག་འཛིན་ཆེན་པོས་ཞིབ་འཇུག་ཚོགས་པར་ད་བར་རྒྱབ་སྐྱོར་གནང་མཁན་སྤྱི་དང་བྱེ་བྲག་ཡོངས་ལ་བཀའ་དྲིན་ཆེ་ཞེས་ཞུས་ཤིང་། ཁྱད་པར་ཚོགས་པ་འདིས་ད་བར་བསྟན་པ་སྤྱི་དང་ཕྱེ་བྲག་ལ་སྲི་ཞུ་སྒྲུབ་པའི་གྲུབ་འབྲས་སྐོར་སོགས་དང་། ཁྱད་པར། རིས་མེད་ཀྱི་འབྱུང་ཁུངས་ཐད། ཇོ་ནང་ཀུན་དགའ་གྲོལ་མཆོག་གི་ཇོ་ནང་ཁྲིད་བརྒྱ། འབྲི་གུང་རིན་ཆེན་ཕུན་ཚོགས། འཕྲང་མགོ་གཏེར་སྟོན་ཤེས་རབ་འོད་གསལ་དང་། ཁོང་གི་གཞུང་ལས་བཤད་པའི་སྒྲུབ་བརྒྱུད་ཤིང་རྟ་བརྒྱད་ཀྱི་ཐ་སྙད་འབྱུང་སྟངས་སོགས་ཀྱིས་མཚོན་ཏེ། རིས་མེད་ཀྱི་བྱུང་རིམ་རྒྱས་བཤད་དང་། རིས་མེད་ནི་དབང་ཆ་དང་ཐོབ་ཐང་ཁྱད་པར་ཞིག་ལ་གོ་བ་བླངས་ན་མི་འགྲིག་ཚུལ་དང་། མཚོན་བྱེད་རྟགས་ཀྱི་རྣམ་པས་རིས་མེད་མཚོན་ཚུལ་དང་མཚོན་བྱ་དོན་གྱི་སྒོ་ནས་རིས་མེད་ཉམས་སུ་ལེན་ཚུལ་གཉིས་ཡོད་པ་དང་རིས་མེད་བྱས་ན་བསྟན་པར་ཕན་པ་ཆེན་པོ་ཡོད་ཚུལ། བོད་ལ་ཆོས་བརྒྱུད་ཀྱི་དམག་འཁྲུག་བྱུང་མྱོང་མེད་ཚུལ། ཨ་ཏི་ཤ་བོད་ལ་ཕེབས་རྗེས་ཙམ་ལ་ནཱ་ལེནྡྲ་ཉམས་པ་ཡིན་ཡང་དེའི་སྐབས་ནཱ་ལེནྡྲ་སྤྱིའི་ཆ་ནས་ཧ་ཅང་དར་རྒྱས་ཡོད་པའི་སྐབས་ཡིན་པ་དང་། ནཱ་ལེནྡྲ་བློ་བུར་དུ་ཉམས་པའི་རྒྱུ་མཚན་ཁ་ཆེའི་དམག་གིས་བཅོམ་པར་འབྲེལ་བ་ལས། མ་རྒྱུད་སོགས་སྔགས་དར་བ་དང་འབྲེལ་བ་ཡོད་པའི་བཤད་ཚུལ་དོན་ལ་མི་གནས་ཚུལ་སོགས་གསུངས་ཤིང་། ཧ་ཤིན་རིན་པོ་ཆེས་དེར་ཁ་སྣོན་གྱི་ཚུལ་དུ། སྐབས་དེར་ཧིན་དུའི་ཆོས་ལུགས་ཀྱང་གཅིག་མཚུངས་ཉམས་ཆག་བྱུང་ན་ཡང་། ནང་པ་ཧིན་དུའི་ཆོས་ལུགས་བཞིན་འགྱེལ་ས་ནས་ལང་མ་ཐུབ་པའི་གནད་དོན་རྩ་བ་ནང་ཆོས་སློབ་གསོ་དགོན་པ་དང་དགེ་འདུན་གྱི་ཁྲོད་ཙམ་ལས་འདའ་མ་ཐུབ་པར་ཐུག་ཡོད་པ་དང་། དེ་ཡང་ཁ་ཆེས་ནང་པའི་དགེ་འདུན་གྱི་སྡེ་བཅོམ་ཤིང་། དགོན་པ་གཤིག་རྗེས་ནང་པའི་ཆོས་མི་མང་གི་ནང་དུ་མེད་པས་བསྐྱར་གསོ་མ་ཐུབ་པ་ཡིན་པས་མི་མང་ལ་ཆོས་ཀྱི་གོ་རྟོགས་ཡོད་པ་ཧ་ཅང་གལ་ཆེ་ལ། ཐའེ་ཝན་དུ་བོད་བརྒྱུད་དར་ནས་ལོ་འདི་ཙམ་ཕྱིན་ཡང་ད་དུང་རྐང་ཚུགས་པ་རང་ཞིག་མེད་པ་དེ་ཡང་མི་མང་ལ་ནང་ཆོས་ངོ་སྤྲོད་མཐུས་ཚང་ཞིག་མ་ཐུབ་པར་ཐུག་ཡོད་གསུངས།
(རྙིང་མ་)མཁན་པོ་ཆོས་ཉིད་དོན་རྟོགས། དྲ་རྒྱའི་བརྙན་ཕྲིན་ལྟ་མཁན་གྱི་ད་ལྟའི་ཁྱབ་ཁོངས་སོགས་ངོ་སྤྲོད་དང་འབྲེལ། བརྡ་འཕྲིན་གྱི་མ་ལག་འདི་དག་སྤྱད་ནས་གནས་བབ་དང་འཚམས་པའི་ལས་དོན་བྱ་རྒྱུ་ནི། ་རང་རེའི་ངོས་ནས་མ་འོངས་པར་འགན་འཁུར་སྟངས་ཤིག་ཡིན་གསུངས།(སེ་ར་བྱེས)ར་རྒྱ་བློ་དབང་གིས།
ཆོས་བརྒྱུད་ཚང་མ་བླ་བརྒྱུད་ཀྱི་ཐོག་ནས་ཕན་ཚུན་གཅིག་ལྟོས་མེད་དུ་གནས་པ་ཞིག་མིན་པར་འདྲེས་ཏེ་ཡོད་པ་སོགས་དཔེ་མཚོན་དུ་བཀོད་དེ། བསམ་པ་རྣམ་དག་གིས་རྒྱུ་མཚན་ལྡན་པའི་རིས་མེད་ཀྱི་གོ་བ་ཞིག་རྙེད་རྒྱུ་ཧ་ཅང་གལ་ཆེན་ཡིན་པ་དང། ལམ་རིམ་ཆེ་བ་བཞི་ལྡན་ལྟ་བུ་རིས་མེད་ཉམས་སུ་ལེན་མཁན་གྱི་ཁེ་ཕན་ཡིན་པ། སྔོན་ཀློང་ཆེན་རབ་འབྱམས་སོགས་ཀྱི་གསུང་དུ་སྐྱ་བཀའ་བརྒྱུད་ལྟ་བུའི་ཚིག་དག་དགོན་པ་དང་གདན་ས་མཚོན་པའི་ཚིག་ཙམ་ལས་ཆོས་བརྒྱུད་ཀྱི་ངོས་འཛིན་དུ་བྱས་པ་མེད་པ་ལྟ་བུའི་གཟིགས་ཚུལ་ཡོད་པ་དང་། འདི་དང་རིས་མེད་ཀྱི་བར་ལ་དམིགས་བསལ་གྱི་འབྲེལ་བ་ཡོད་པའི་འབྲེལ་བརྗོད་བྱས།
(ས་སྐྱ་རྫོང་སར)མདོ་འཛིན་པ་སློབ་དཔོན་བསོད་ནམས་ཕུན་ཚོགས་ཀྱིས་ཀྱང་། ཚོགས་འདུའི་ལས་རིམ་ཧྲིལ་པོར་ལྟ་སྐུལ་གནང་བ་དང་འབྲེལ། ས་སྐྱའི་མཁན་ཆེནཨ་པད་རིན་པོ་ཆེའི་གསུང་སྒྲོས་ལུང་དུ་དྲངས་ནས་མ་འདྲེས་པའི་སློབ་སྦྱོང་དང་། གཞི་གཅིག་ལ་འབབ་པའི་ཉམས་ལེན་བྱེད་པ་གཉིས་ཀྱི་ཐོག་ནས་བསྟན་པ་རིས་མེད་ལ་གོ་བ་ལེན་སྟངས་སོགས་ཐད་དགོངས་ཚུལ་དང་། ཚང་མས་ཞིབ་འཇུག་ཚོགས་པའི་ལས་དོན་སྤྱི་དང་བྱེ་བྲག་ལ་ཕྱར་གྲུ་མཉམ་འདེགས་དགོས་པའི་འབོད་སྐུལ་ཀྱང་གནང་སོང་།
དེ་བཞིན་(རྙིང་མ)སློབ་དཔོན་བཀྲ་ཤིས་བདེ་ལེགས་རེས་མེད་ཀྱི་དགོས་གལ་དང་། (རྙིང་མ་)བཙུན་མ་ཤེས་རབ་བཟང་མོས་འབྱུང་འགྱུར་བཙུན་མའི་སྡེ་ཡང་སྔར་ལས་ལྷག་པའི་སྒོ་ནས་མཉམ་ཞུགས་གནང་ཐུབ་རྒྱུའི་འབོད་སྐུལ། དེ་བཞིན། ཐའེ་སྡོད་བོད་རིགས་གཞོན་སྐྱེས་ཚེ་རིང་ནོར་བུས་ནང་ཆོས་ང་སྤྲོད་མང་ཙམ་གནང་ཐུབ་ན་དགེ་མཚན་ཆེ་བ་སོགས་ཀྱི་ཐད་བསམ་ཚུལ་རེ་བསྐུལ་དང་འབྲེལ་བའི་གཏམ་བཤད་བཅས་གནང་ཡོད།
ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་ནི་ཉིས་སྟོང་དགུའི་ལོར་ཐའེ་ཝན་དུ་དབུ་ཚུགས་ཤིང་། ད་ཐེངས་རྒྱུན་ལས་སྐབས་གསུམ་པ་ཡིན་པར་མ་ཟད། ཐོག་མར་གཞི་རྩའི་རྐང་འཛིན་མཁན་སྤྲུལ་བཞི་ཡོད་པ་ནས་ད་ལྟ་ཆོས་བརྒྱུད་ཁག་ལྔའི་མཁན་སྤྲུལ་དགེ་བཤེས་བཅུ་ལས་གྲུབ་པའི་ཆོས་ཚོགས་ཁག་མཉམ་འདུས་ཀྱིས་གཉེར་སྐྱོང་བྱེད་བཞིན་པའི་ཚོགས་པ་ཞིག་ཡིན་པ་དང་། ཉིས་སྟོང་བཅུ་གཉིས་ཀྱི་ལོ་ནས་ཚོགས་པ་འདིའི་ཡན་ལག་གི་ངོ་བོས་ཐོག་ནས་ཐའེ་ཝན་བོད་བརྒྱུད་ནང་བསྟན་དྲ་བརྙན་ཟེར་བ་ཞིག་ཀྱང་དབུ་འཛུགས་གནང་ནས་ད་ལྟ་ལས་ཀ་བྱེད་བཞིན་ཡོད།
ཐེངས་འདིའི་བགྲོ་གླེང། ཚོགས་པའི་ལས་དོན་ཆ་བགོས་ཀྱི་འགྲོ་སྟངས་ལྟར། ཀཿཐོག་རིག་འཛིན་ཆེན་པོ་དང་། སློབ་དཔོན་བསོད་ནམས་ཕུན་ཚོགས། མཁན་པོ་ཚུལ་རྣམ། བླ་མ་ཡེ་ཤེས་རབ་རྒྱས། མཁན་པོ་རྫ་ཚེ་རིང་བཀྲ་ཤིས་བཅས་ཀྱིས་འགན་འཁུར་གོ་སྒྲིག་ཞུས་པ་ཡིན།
གསར་འགྱུར་བསྡུ་སྒྲིག་པ་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ཡིག་ཚང་།
ཁར་རྩང་། སྤྱི་ལོ་༢༠༡༤ སྤྱི་ཟླ་༤ པའི་ཚེས་༢ ཉིན་ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ནང་བསྟན་དར་སྤེལ་བགྲོ་གླེང་ཐེངས་བཞི་པ་དེ་རྒྱལ་ས་ཐའེ་པེ་ཐའེ་ཝན་ནང་བསྟན་གཞོན་ནུའི་ཚོགས་ཁང་དུ་འཚོགས།
དེ་ཡང་། ཐོག་མར་བགྲོ་གླེང་གི་མདོ་འཛིན་པ་ཞིབ་འཇུག་ཚོགས་པའི་འགན་འཛིན་རྒྱུན་ལས་སློབ་དཔོན་བསོད་ནམས་ཕུན་ཚོགས་ཀྱིས་ཚོགས་འདུ་དབུ་འཛུགས་ཀྱི་ཁྱབ་བསྒྲགས་གནང་རྗེས། ཞིབ་འཇུག་ཚོགས་པའི་གཙོ་འཛིན་གཞོན་པ་ལྷ་རམས་པ་ཧ་ཤིན་རིན་པོ་ཆེས་ཞིབ་འཇུག་ཚོགས་པའི་འཚམས་འདྲིའི་གསུང་བཤད་གནང་།
དེ་རྗེས་བགྲོ་གླེང་དངོས་གཞིའི་སྔ་དྲོའི་ཐུན་གཉིས་ཀྱི་རིང་། ཆོས་བརྒྱུད་རིས་མེད་ཀྱི་མཁན་སྤྲུལ་དགེ་བཤེས་རྣམ་པས་གཙོ་བོར། ༸གོང་ས་མཆོག་གིས་ཞིབ་འཇུག་ཚོགས་པར་གནང་བའི་བཀའ་ཤོག་གི་འབྲུ་དོན་འགའ་དང་འབྲེལ་ཡོད་ཀྱི་ཐོག་ནས། དཔལ་ནཱ་ལེནྡྲའི་ཆོས་བརྒྱུད་དང་བོད་བརྒྱུད་གནང་བསྟན་བར་གྱི་ཐུན་མིན་གྱི་འབྲེལ་བ་དང་མདོ་སྔགས་འགལ་མེད་ཀྱི་ཉམས་ལེན། ཐའེ་ཝན་རྒྱ་བརྒྱུད་ནང་བསྟན་དང་བོད་བརྒྱུད་ནང་བསྟན་བར་གྱི་མིག་སྔའི་འབྲེལ་ལམ་གནས་སྟངས་དང་ལེགས་བཅོས་བྱེད་ཕྱོགས་བཅས་དོན་ཚན་གསུམ་གྱི་ཐད་བགྲོ་གླེང་གནང་ཞིང་། ་ཞིབ་འཇུག་ཚོགས་པའི་འགན་འཛིན་རྒྱུན་ལས་དབང་སྟོད་སྤྲུལ་སྐུ་ཐུབ་བསྟན་ནོར་བུས་ལོ་སྔ་མའི་བགྲོ་གླེང་བརྙན་འཁོར་སྲེག་ཕབ་དང་འབྲེལ་བའི་གསལ་བཤད་བཀའ་སློབ་གནང་།
སྔ་དྲོའི་ཚོགས་ཐེངས་གཉིས་ཀྱི་མཇུག་ཏུ་ཞིབ་འཇུག་ཚོགས་པའི་ལས་ཐོག་འགན་འཛིན་དང་། སྐབས་འདིའི་བགྲོ་གླེང་གཙོ་སྐྱོང་བ་མཁན་པོ་རྫ་ཚེ་རིང་བཀྲ་ཤིས་ཀྱིས་སྐར་མ་བཅུ་ལྷག་རིང་འབྲེལ་ཡོད་གཏམ་བཤད་ཁག་ལ་དབྱེ་ཞིབ་དང་ཕྱོགས་སྡོམ་བྱས།
ཕྱི་དྲོའི་ཆར་མུ་མཐུད། ཞིབ་འཇུག་ཚོགས་པའི་སྐབས་གཉིས་པའི་འགན་འཛིན་དང་ད་ལྟའི་འགན་འཛིན་རྒྱུན་ལས་ཀཿཐོག་རིག་འཛིན་ཆེན་པོས་ཞིབ་འཇུག་ཚོགས་པའི་ད་ཡོད་གནས་སྟངས་དང་འབྱུང་འགྱུར་ཁ་ཕྱོགས་ཞེས་པའི་བརྗོད་གཞིའི་ཐོག་གཏམ་བཤད་དང་། ཞིབ་འཇུག་ཚོགས་པའི་ཡན་ལག་སྡེ་ཚན་TTBtvཐའེ་ཝན་བོད་བརྒྱུད་དྲ་བརྙན་གྱི་ལག་བསྟར་འགན་འཛིན་མཁན་པོ་ཆོས་ཉིད་དོན་རྟོགས་ཀྱིས་ཐའེ་ཝན་བོད་བརྒྱུད་ནང་བསྟན་དྲ་བརྙན་གྱི་འདས་པའི་ལས་དོན་གྲུབ་འབྲས་ལ་ཕྱིར་རྟོག་དང་། འབྱུང་འགྱུར་ཡར་རྒྱས་གཏོང་ཕྱོགས་སྐོར་ཞེས་པའི་བརྗོད་གཞིའི་ཐོག་གཏམ་བཤད་གྲུབ་རྗེས་ཚོགས་ཞུགས་པ་ཡོངས་ཀྱིས་མུ་མཐུད་མདོ་འཛིན་པའི་ལྟ་བསྐུལ་འོག་ཕྱི་དྲོའི་བརྗོད་གཞི་ཁག་སོ་སོ་དང་འབྲེལ་བའི་གཏམ་བཤད་དང་བགྲོ་གླེང་གནང་ཞིང་། གཙོ་སྐྱོང་བས་ཀྱང་དུས་ཐོག་བགྲོ་གླེང་གི་སྙིང་དོན་ཕྱོགས་སྡོམ་བྱས།
ཚོགས་ཐེངས་ཐ་མར། ཧ་ཤན་རིན་པོ་ཆེས་ཐའེ་ཝན་བོད་བརྒྱུད་ནང་བསྟན་པའི་ངོས་ནས་གནས་དུས་དང་མཐུན་པའི་སྟོན་པའི་འཁྲུངས་སྐར་སྲུང་བརྩི་ཞུ་སྟངས་ཀྱི་སྐོར་ལ་གཏམ་བཤད་དང་འབྲེལ། འདི་ལོ་ ཞིབ་འཇུག་ཚོགས་པའི་ངོས་ནས་སྤྱི་ཟླ་ལྔ་པའི་ཚེས་བཞིར་འཚོགས་གཏན་ཁེལ་བའི་སངས་རྒྱས་འཁྲུངས་སྐར་གྱི་མཛད་སྒོའི་ལས་རིམ་ཁྱབ་བསྒྲགས་དང་། བོད་བརྒྱུད་ནང་པ་ཡོངས་ནས་དུས་ཆེན་འདིར་དམིགས་བསལ་ཐུགས་སྣང་གནང་དགོས་པའི་འབོད་སྐུལ་ཞུས་རྗེས། ཚོགས་ཞུགས་པ་ཡོངས་ནས་འབྱུང་འགྱུར་ཐའེ་ཝན་བོད་བརྒྱུད་ནང་བསྟན་ལས་དོན་སྐོར་གྱི་ཕྱོགས་བསྡུས་བསམ་ཚུལ་ཞེས་པའི་བརྗོད་གཞིའི་ཐོག་ལ་ཐུན་མོང་བགྲོ་གླེང་བྱས།
བགྲོ་གླེང་གི་ཐུན་ཐ་མའི་མཇུག་ཏུ། གཙོ་སྐྱོང་བས། ཚོགས་ཞུགས་པ་ཡོངས་ཀྱི་ཉིན་ཧྲིལ་པོའི་བགྲོ་གླེང་གི་རྣམ་འགྱུར་དང་ནང་དོན་ལ་གདེངས་འཇོག་གང་ལེགས་དང་འབྲེལ། བརྗོད་དོན་ལ་དབྱེ་ཞིབ་དང་། མང་ཆེ་ཤོས་ཀྱིས་རིས་མེད་དང་འབྲེལ་བའི་བརྗོད་གཞིའི་ཐོག་ལ་གྲོས་གླེང་ཤུགས་ཆེ་ཤོས་བྱས་ཡོད་པའི་ངོས་འཛིན་བྱས་པར་མ་ཟད། གཙོ་སྐྱོང་བས། གལ་ཏེ་དོན་དམ་པའི་རིས་མེད་ཅིག་ཡོང་དགོས་ན། དེ་ནི་མཐུན་སྒྲིལ་དང་གཞན་ཕྱོགས་ཀྱི་ལེགས་ཆ་མཐོང་བ་ལ་རྟེན་ནས་ཡོང་དགོས་ཤིང་། དེ་ཡང་། གཞན་ཕྱོགས་ཀྱི་ལེགས་ཆ་དང་། དགེ་མཚན་མཐོང་བའི་བློ་སྟོབས་བཟང་པོ་ཞིག་ཡོད་རྒྱུ་ནི་མི་རེ་ངོ་རེ་སོ་སོ་རང་ངོས་ནས་ཆེས་གལ་ཆེ་ཤོས་ཀྱི་མགོ་འཛུགས་དེ་ཡིན། ཞེས་པའི་བསམ་ཚུལ་བཏོན། དེ་བཞིན། འབྱུང་འགྱུར་ཟླ་བ་འདིའི་སྤྱི་ཚེས་བཅུ་གཉིས་དགུང་མོ་ཞིབ་འཇུག་ཚོགས་པས་གོ་སྒྲིག་ཞུ་གཏན་ཁེལ་བའི་མཁན་ཆེན་ཚུལ་ཁྲིམས་བློ་གྲོས་མཆོག་གི་ཐའེ་ཝན་གྱི་ཐེངས་འདིའི་ཡོངས་བསྒྲགས་མཛད་རིམ་དང་པོ་བོད་བརྒྱུད་ནང་བསྟན་གྱི་ཉམས་ལེན་དང་སློབ་སྦྱོང་གི་རིམ་པ་ཞེས་པའི་བརྗོད་གཞིའི་ཐོག་བཀའ་སློབ་གསུང་བཤད་ཀྱི་ལས་རིམ་ཡང་ཁྱབ་བསྒྲགས་གནང་།
མཐར།
ཐེངས་འདིའི་བགྲོ་གླེང་གོ་སྒྲིག་ཚོགས་ཆུང་གི་ཚོགས་མི།
ཞིབ་འཇུག་ཚོགས་པའི་འགན་འཛིན་རྒྱུན་ལས་བླ་མ་ཡེ་ཤེས་རབ་རྒྱས་ནས་བགྲོ་གླེང་གོ་སྒྲིག་ཚོགས་ཆུང་གི་ཚབ་བྱས་ནས་ཐུགས་རྗེ་ཆེ་ཞུའི་གཏམ་བཤད་དང་འབྲེལ།
ཁོང་ཉིད་ཞིབ་འཇུག་ཚོགས་པར་འབྲེལ་བ་བྱུང་བ་ནས་འཛུལ་ཞུགས་བྱས་པའི་བར་གྱི་སྔ་རྗེས་དང་།
ཞིབ་འཇུག་ཚོགས་པའི་གལ་ཆེའི་རང་བཞིན། བོད་པ་སྤྱི་དང་།
ཁྱད་པར་བོད་པའི་སྒྲིག་འཛུགས་དག་ལ་ཆིག་སྒྲིལ་མེད་པའི་དཀའ་ངལ་སེལ་བར་ཤུགས་རྒྱག་དགོས་ཚུལ་སོགས་ཀྱི་ཐད་གསུང་བཤད་གནང་བ་བཅས་གྲུབ་མཐར།
སྐབས་འདིའི་ཚོགས་ཁང་གི་སྦྱིན་བདག་ཐའེ་ཝན་ནང་བསྟན་གཞོན་ནུའི་མཐུན་ཚོགས་ཀྱི་ཚོགས་གཙོ་དང་ཞིབ་འཇུག་ཚོགས་པའི་ཚོགས་གཙོ་མཁན་པོ་རྫ་ཚེ་རིང་བཀྲ་ཤིས་ཟུང་གིས་ཚོགས་པའི་ཟུང་གི་མཚན་ཐོག་ནས་ཕན་ཚུན་ཐུགས་རྗེ་ལེགས་གསོལ་འབུལ་བཞེས་གྲུབ་རྗེས་ཐེངས་འདིའི་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ནང་བསྟན་དར་སྤེལ་བགྲོ་གླེང་ཐེངས་བཞི་པ་རྒྱལ་ཁའི་ངང་ནས་མཇུག་དྲིལ།
དེ་ཡང་བགྲོ་གླེང་ལས་རིམ་ཧྲིལ་པོར་ཁྱོན་མཁན་སྤྲུལ་དགེ་བཤེས་བཙུན་མ། ཐའེ་ཝན་གནས་བཞུགས་བོད་རིགས་སློབ་མ་གཅིག་དང་། སྐད་སྒྱུར་ལས་དོན་བྱེད་བཞིན་པ་གཅིག་བཅས་ཐེ་བའི་ཚོགས་ཕེབས་པ་ཞལ་གྲངས་སུམ་ཅུར་ཉེ་བས་ཆ་ཤས་བླངས་ཡོད་པ་དང་། དེ་ཡང་བགྲོ་གླེང་ནང་དོན་ཁག་རགས་ཙམ་ཕྱོགས་བསྡུས་བྱས་ན།
དེ་ཡང་ཐོག་མར། (དགེ་ལུགས་སེ་ར་སྨད)ཧ་ཤིན་རིན་པོ་ཆེས། ཆོས་བརྒྱུད་བཞི་ཞེས་པ་ལས་ཆོས་ལུགས་བཞི་ཞེས་པའི་ཐ་སྙད་སྤྱོད་པ་དོན་ནས་མིན་པའི་གསམ་ཚུལ་བཏོན་གནང་ཞིང་། ཁྱད་པར་ཁོང་གིས་རིས་མེད་ཀྱི་ཕྱོགས་ལ། པན་ཆེན་བློ་བཟང་ཆོས་རྒྱན་གྱི་རིས་མེད་གནང་སྟངས་གཞན་ལུགས་ལ་སྙིང་ནས་དག་སྣང་བྱེད་པའི་སྒོ་ནས་རང་ལུགས་ཙམ་འཛིན་སྐྱོང་གཙོར་འདོན་བྱེད་པ་དང་། ལྔ་བ་ཆེན་པོ་སོགས་ཀྱིས་རིས་མེད་གནང་སྟངས་ནི། ལུགས་སོ་སོ་ཅི་བཞིན་མཉམ་ལེན་བྱས་ནས་དགོངས་པ་དབྱེར་མེད་དུ་གཟིགས་ན་ཡང་། ཕྱག་ལེན་ལ་འདེབས་དུས་ཐ་སྙད་ཕྲ་མོ་ཚུན་ཆད་མ་འདྲེས་པར་གཅེས་པར་འཛིན་པའི་སྒོ་ནས་བསྲེ་ལྷད་མེད་པའི་རྣམ་ཐར་འཁྱོངས་བར་ཤོག །ཅེས་པའི་ཐུགས་སྨོན་གནང་དེ་དེ་དོན་ཕྱག་བཞེས་སུ་མཛད་པ་ཞིག་ཡིན་ཚུལ་དང་། སྔ་དྲོའི་བརྗོད་གཞི་གཉིས་པ་དང་འབྲེལ་ཡོད་ཀྱི་ཐོག་ནས་བོད་བརྒྱུད་ནང་བསྟན་གྱི་བརྒྱུད་པའི་ཁུངས་ནཱ་ལེནྡྲ་ལ་གཏུགས་པའི་དགོས་གལ་གསལ་བཤད་དང་། རྒྱའི་སློབ་དཔོན་དག་གིས་ཀུ་མ་ར་ཤྲིའི་ལམ་ཡིག་ལས་མི་གསལ་བ་ཙམ་རྒྱུ་མཚན་དུ་བྱས་ནས་ན་ལེན་དྲ་དུས་རབས་ལྔ་བ་ཙམ་ནས་བྱུང་བའི་འདོད་ཚུལ་ལ་དོགས་སློང་དང་། ཏ་ར་ན་ཐཱའི་རྒྱ་གར་ཆོས་འབྱུང་ལས་མྱ་ངན་མེད་ཀྱི་དུས་ནས་ནཱ་ལེནྡྲར་ནང་བསྟན་གྱི་གནས་གཞི་ཆགས་ཟིན་པར་གསུངས་པའི་ལུང་དྲངས་ཏེ་དོགས་སློང་མཛད།
(འབྲུག་པ་བཀའ་བརྒྱུད)མཁན་པོ་དབང་དགའ་མཆོག་གིས།
སངས་རྒྱས་ཀྱི་དུས་ནས་རྒྱ་གར་དུ་རྒྱལ་བསྟན་མ་འཇིག་བར་གྱི་ནཱ་ལེནྡྲའི་གནས་གནས་བབ་དང་།
ནཱ་ལེནྡྲ་དང་བོད་ཀྱི་འབྲེལ་བ་སོགས་ཀྱི་སྐོར་དང་།
བུ་སྟོན་གྱི་རྒྱུད་སྡེ་སྤྱི་རྣམ་ལུང་དུ་དྲང་ནས་རྒྱུ་ཕ་རོལ་དུ་ཕྱིན་པ་དང་འབྲས་བུ་གསང་སྔགས་རྡོ་རྗེ་ཐེག་པ་ཐབས་དང་ཤེས་རབ་ཟུང་དུ་འབྲེལ་བའི་ཚུལ་དུ་ཤེས་པའི་སྒོ་ནས་མདོ་སྔགས་ཟུང་འབྲེལ་གྱི་གོ་དོན་འཚོལ་སྟངས་ཀྱི་ཐད་ལ་གཏམ་བཤད་གནང་།ཞིབ་ཚོགས་འགན་འཛིན་རྒྱུན་ལས་(འབའ་རོམ་བཀའ་བརྒྱུད)ཚང་གསར་ཀུན་དགའ་རིན་པོ་ཆེས། སྔ་དྲོའི་བརྗོད་གཞི་གསུམ་པ་དང་རྗེས་འབྲེལ་དུ་རྒྱ་བརྒྱུད་ནང་བསྟན་དང་འབྲེལ་ལམ་འཛིན་སྟངས་དང་། བོད་ཀྱི་དགེ་འདུན་པ་དག་གི་ཀུན་སྤྱོད་ཕྱོགས་ལ་ཐུགས་སྣང་གནང་ཕྱོགས། དུས་དར་དྲ་ལམ་བེད་སྤྱོད་བྱེད་ཕྱོགས་སོགས་ཀྱི་ཐོག་ལ་དགོངས་ཚུལ་བཅས་གསུངས།
(འབྲི་གུང་བཀའ་བརྒྱུད)སྒྲུབ་དཔོན་མགོན་པོ་རྡོ་རྗེ་ནས་བགྲོ་གླེང་འདུ་འཛོམ་སོགས་ཀྱི་གལ་ཆེའི་རང་བཞིན་དང་། ཁྱད་པར་བརྗོད་གཞི་དང་པོའི་ཐོག་ལ། ཆོས་བརྒྱུད་རིས་མེད་ཆགས་དགོས་ན། རིས་མེད་ཀྱི་རྒྱུ་རྐྱེན་ཚང་དགོས་ན་ཆོས་ཀྱི་ཡོན་ཏན་གྱི་ཆ་ནས་ཆོས་བྱེད་མི་སྣའི་ཆེ་ཆུང་མི་མཚོན་པར་མིང་གི་ཆ་ནས་ཆེ་ཆུང་རྩི་བའི་ལུགས་སྲོལ་ལ་འགྱུར་བ་གཏོང་དགོས་པ་འགག་རྩ་ཡིན་པར་ནན་བརྗོད་དང་། རྒྱལ་སྤྱིའི་ཁྲིམས་ལུགས་ཀྱི་ངོས་ནས་རིས་མེད་ལ་ལྟ་བ་དང་། དམངས་གཙོའི་ལྟ་གྲུབ་ཀྱི་གོ་རྟོགས་དང་འབྲེལ་བའི་རིས་མེད་ཀྱི་དགོངས་ཚུལ་ཡང་གསུངས་།
(རྙིང་མ་རྣམ་གྲོལ་གླིང་) མཁན་པོ་མིག་དམར་ནས། ནཱ་ལེནྡྲའི་ཆོས་བརྒྱུད་དང་བོད་བརྒྱུད་བར་གྱི་འབྲེལ་བའི་ཐད་མཁན་ཆེན་ཞི་འཚོ་དང་བོད་བར་གྱི་ལས་སྨོན་གྱི་འབྲེལ་བ་ལས་བརྩམས་ནས་དགོངས་ཚུལ་གསུངས་ཤིང་། རིས་མེད་ཀྱི་ཐད། རང་གི་བསྟན་པར་སྲི་ཞུ་དང་། གཞན་གྱི་ཆོས་བརྒྱུད་ལ་དག་སྣང་གཉིས་ཀྱི་ཐོག་ནས་རིས་མེད་ཀྱི་གོ་དོན། མི་མང་ལ་ནང་ཆོས་ངོ་སྤྲོད་བྱེད་པའི་གལ་གནད་སོགས་གསུངས།
(དགེ་ལུགས་འབྲས་སྤུངས་སྒོ་མང་)དགེ་བཤེས་ཕྲིན་ལས་རྒྱ་མཚོས། བསྟན་པ་དང་གྲུབ་མཐའི་བར་ལ་རྩི་བཀུར་གོང་མཐོར་གཏོང་རྒྱུའི་སྐོར་ལ་ནན་བརྗོད་དང་། རིས་མེད་གླེང་སྐབས་༸གོང་ས་མཆོག་མ་གླེང་ཐབས་མེད་ཡིན་པ་དང་། དེ་ཡང་ད་ལྟའི་བོད་གཞི་ཕྱེས་གཉིས་ཆར་ནས་རིས་མེད་ཀྱི་ཕྱོགས་ལ་དོ་སྣང་བྱེད་པའི་རླབས་རྒྱུན་འདི་དག་གི་རྩ་བ་༸གོང་ས་མཆོག་གི་བཀའ་སློབ་དང་ཕྱག་ལེན་ལས་བྱུང་བ་ངོས་ཟིན་དགོས་གལ་ཆེ་བ་སོགས་ཀྱི་ཐད་གཏམ་བཤད་གནང་།
(ས་སྐྱ་)དགེ་བཤེས་བསོད་ནམས་རྡོ་རྗེ།
ཚོགས་ཞུགས་པས་བགྲོ་གླེང་བྱ་སྐབས་དམིགས་ཡུལ་གཅིག་པ་འཛིན་རྒྱུ་དང་། ཆགས་སྡང་མེད་ཅིང་། རྟོག་དཔྱོད་དང་འབྲེལ་བའི་རིས་མེད་ཅིག་བྱ་རྒྱུའི་སྐོར་ལ་གཏམ་བཤད་གནང་།(རྙིང་མ་རྣམ་གྲོལ་གླིང་)མཁན་པོ་པ་སངས་མཆོག་ནས་ཞིབ་འཇུག་ཚོགས་པ་ཡར་རྒྱས་གཏོང་ཕྱོགས་ལ་འབོད་སྐུལ་གདེང་འཇོག་དང་འབྲེལ། ཐའེ་ཝན་ལྟ་བུར་མཚོན་ན་མང་པོ་ཞིག་ལ་སྐད་ཡིག་གི་ཐོག་ནས་ནང་ཆོས་དར་སྤེལ་ལ་འགོག་རྐྱེན་འཕྲད་བཞིན་པའི་སྐོར་ལ་དོ་སྣང་གནང་རྒྱུ་དང་། རིས་མེད་བྱ་བར་ཚིག་ལ་གོ་བ་ལོན་པ་ཙམ་གྱིས་མི་ཆོག་པར་བརྒྱུད་པའི་ཁུངས་འཚོལ་བ་སོགས་གལ་ཆེན་ཡིན་པ། སྤྱིར་དབང་བཤད་པ་དང་གྲོང་ཆོག་བྱེད་པ་སོགས་ལས་ཆོས་འཆད་ཉན་བྱེད་པ་གལ་ཆེ་བ་ཡིན་ཡང་། དབང་ལས་ཆོས་ཁྲིད་ལ་ཉན་མཁན་ཉུང་བ་དངོས་ཡོད་ཡིན་པའི་རྒྱུ་མཚན་ལ་རྟོག་དཔྱོད་དང་། ཕ་རོལ་གྱི་བསམ་ངོ་དང་མཐུན་ཞིང་དོན་གྱི་གནད་མ་བོར་བ་ཞིག་གི་ཕྱོགས་ལ་ལས་ཀ་བྱ་རྒྱུ་ཧ་ཅང་གལ་ཆེན་ཡིན་པ་གསུངས།
(ཐའེ་ཝན་དོན་གཅོད་ཆོས་དགེ)དགེ་བཤེས་འཇམ་དཔལ་ཆོས་འཛིན་གྱིས། གྲུབ་མཐའ་རིས་མེད་དང་ནཱ་ལེནྡྲ་དང་འབྲེལ་བའི་ཆོས་བརྒྱུད་ཀྱི་བྱུང་བ་ཞིབ་ཚགས་པོས་ཞིབ་འཇུག་བྱ་རྒྱུ་གལ་ཆེན་ཡིན་པ་དང་། མིག་སྔར་ཞིབ་འཇུག་གྲུབ་དོན་གྱི་སྟོང་ཆའི་ཁ་གསབ་དགོས་པ་སོགས་ལ་དགོངས་ཚུལ་བཏོན།(དགེ་ལུགས་སེ་ར་བྱེས)དགེ་བཤེས་དར་རྒྱས་ཀྱིས། བོད་བརྒྱུད་ནི་ནཱ་ལེནྡྲའི་ཆོས་བརྒྱུད་སྤུས་དག་པོ་ཉར་ཚགས་བྱས་པའི་ཆ་ནས་ནང་བསྟན་གྱི་ཁྱབ་ཁོངས་སུ་ཆེས་བསྔགས་འོས་སུ་ཡོད་ཚུལ་དང་། རིས་མེད་ཀྱང་སྤྱོད་ལམ་གྱི་ངོས་ནས་མིན་པ། དེ་བཞིན། ལོ་རྒྱུས་ཁྲོད་ལྟ་གྲུབ་ཐོག་དགག་བྱས་པ་དག་ཀྱང་། ཆགས་སྡང་གི་ཆེད་དུ་མིན་པར་བློ་སྐྱེད་ཀྱི་ཆེད་དུ་ཡིན་པ་སོགས་གསུངས།
༣ (དགེ་ལུགས་སེ་ར་བྱེས)དགེ་བཤེས་ཆོས་དབང་། ཁོང་ཉིད་གྲྭ་ས་ནས་མི་ལོ་ཉི་ཤུའི་རིང་གི་སློབ་སྦྱོང་གི་དུས་ཡུན་ནང་བགྲོ་གླེང་གི་ཚོགས་རར་ཞུགས་ནས་གཏམ་བཤད་བྱེད་པ་སོགས་མ་མྱོང་ཡང་། ཐའེ་ཝན་དུ་ཕེབས་རྗེས་ཞིབ་འཇུག་ཚོགས་པ་དབུ་ཚུགས་ནས་ད་བར་ཚོགས་པ་འདིའི་ལས་དོན་དང་དམིགས་ཡུལ་ལ་ངོས་འཛིན་རྒྱབ་སྐྱོར་མཚོན་ཆེད་རང་ཉིད་བགྲོ་གླེང་ཚང་མར་མཉམ་ཞུགས་གནང་ཡོད་པ་དང་། ཁོང་ཉིད་ལ་ ཚོགས་པ་འདིས་འདས་པའི་ལོ་ལྔ་ལ་ཉེ་བའི་རིང་སྤྱི་ཚོགས་འདིར་མངོན་གསལ་དོད་པོས་བཟང་ཕྱོགས་ཀྱི་ཤུགས་རྐྱེན་ལེགས་པོ་ཐེབས་ཡོད་པའི་མྱོང་ཚོར་ཡོད་ཅེས་གསུངས་ཤིང་། ཚོགས་ཞུགས་གཞན་དག་གིས་ཀྱང་གཅིག་མཚུངས་ཚོགས་པའི་ལས་དོན་ལ་རྒྱབ་སྐྱོར་གྱི་རྣམ་པ་ཤུགས་ཆེར་བསྟན། དེ་བཞིན། ལུགས་གཉིས་སོ་སོར་ཕྱེས་ན་མཁས་པ་ཡིན་གྱི། གཉིས་ཀ་བསྲེ་བར་བྱས་པ་སྐད་བྱེད་པ་ནི་མི་མཁས་པ་ཡིན་ནོ།།ཞེས་པའི་རྒྱལ་ཚབ་རྗེ་གསུང་དྲངས་ནས་རིས་མེད་ནི་རང་ལུགས་ཀྱི་ཚུགས་མ་ཤོར་བའི་ཐོག་ནས་གཞན་ལུགས་ལ་དག་སྣང་མོས་གུས་ཡོད་པ་ཞིག་ལ་གོ་དགོས་པ་སོགས་གསུངས།
(བཀའ་བརྒྱུད་ཐའེ་ཝན་པ)གྲྭ་བློ་གྲོས་རིན་ཆེན་མཆོག་གིས། རྒྱ་བརྒྱུད་ཀྱིས་དོགས་སློང་བྱེད་སའི་ཡུལ་རང་གར་བསྐྱུར་རྒྱུ་མེད། སྔགས་རང་གར་སྟོན་རྒྱུ་མེད།
ཐའེ་ཝན་དང་བ་འདྲེན་ཡུལ་སྤྱིའི་ཆ་ནས་གདམ་ངག་དང་། སློབ་སྦྱོང་བྱེད་སྟངས་ཡིན་མོད། རྒྱ་ཡིག་སྦྱོང་བ་གལ་ཆེ་ན་ཡང་། ལོ་ཚད་དང་བསྟུན་ནས་རིགས་ལམ་སྦྱོང་བ་དང་། ཉམས་ལེན་བྱེད་པ་སོགས་བྱ་དགོས་པ་དང་།
ཤེས་རབ་ཀྱིས་དཔྱད་པ་དག་ཉམས་མྱོང་དང་སྦྲེལ་ཏེ་སེམས་ལ་དད་པ་བརྟན་པོ་ཡོང་བའི་རྐྱེན་དུ་གྱུར་པ་ཞིག་གི་ཐོག་ནས་གང་སྦྱང་བའི་ལྟ་གྲུབ་མི་ཚེ་དང་སྦྱོར་དགོས་ཚུལ། དུས་རབས་བདུན་པའི་སྐབས་སུ་སློབ་དཔོན་རྡོ་རྗེ་ཡེ་ཤེས་སོགས་ཀྱིས་སྤེལ་བའི་གསང་སྔགས་ཡོད་ཀྱང་། ཞོན་ཙང་སོགས་ཀྱི་ལམ་ཡིག་ཏུ་ནཱ་ལེནྡྲར་གསང་སྔགས་དར་བ་མི་གསལ་བ་རྒྱུ་མཚན་དུ་བྱས་ནས་གསང་སྔགས་ལ་དོགས་པ་བྱེད་ཀྱི་ཡོད་སོགས་ཀྱི་སྐོར་ཞིབ་བཤད་གནང་།
(རྙིང་མ་) ཀཿཐོག་རིག་འཛིན་ཆེན་པོས་ཞིབ་འཇུག་ཚོགས་པར་ད་བར་རྒྱབ་སྐྱོར་གནང་མཁན་སྤྱི་དང་བྱེ་བྲག་ཡོངས་ལ་བཀའ་དྲིན་ཆེ་ཞེས་ཞུས་ཤིང་། ཁྱད་པར་ཚོགས་པ་འདིས་ད་བར་བསྟན་པ་སྤྱི་དང་ཕྱེ་བྲག་ལ་སྲི་ཞུ་སྒྲུབ་པའི་གྲུབ་འབྲས་སྐོར་སོགས་དང་། ཁྱད་པར། རིས་མེད་ཀྱི་འབྱུང་ཁུངས་ཐད། ཇོ་ནང་ཀུན་དགའ་གྲོལ་མཆོག་གི་ཇོ་ནང་ཁྲིད་བརྒྱ། འབྲི་གུང་རིན་ཆེན་ཕུན་ཚོགས། འཕྲང་མགོ་གཏེར་སྟོན་ཤེས་རབ་འོད་གསལ་དང་། ཁོང་གི་གཞུང་ལས་བཤད་པའི་སྒྲུབ་བརྒྱུད་ཤིང་རྟ་བརྒྱད་ཀྱི་ཐ་སྙད་འབྱུང་སྟངས་སོགས་ཀྱིས་མཚོན་ཏེ། རིས་མེད་ཀྱི་བྱུང་རིམ་རྒྱས་བཤད་དང་། རིས་མེད་ནི་དབང་ཆ་དང་ཐོབ་ཐང་ཁྱད་པར་ཞིག་ལ་གོ་བ་བླངས་ན་མི་འགྲིག་ཚུལ་དང་། མཚོན་བྱེད་རྟགས་ཀྱི་རྣམ་པས་རིས་མེད་མཚོན་ཚུལ་དང་མཚོན་བྱ་དོན་གྱི་སྒོ་ནས་རིས་མེད་ཉམས་སུ་ལེན་ཚུལ་གཉིས་ཡོད་པ་དང་རིས་མེད་བྱས་ན་བསྟན་པར་ཕན་པ་ཆེན་པོ་ཡོད་ཚུལ། བོད་ལ་ཆོས་བརྒྱུད་ཀྱི་དམག་འཁྲུག་བྱུང་མྱོང་མེད་ཚུལ། ཨ་ཏི་ཤ་བོད་ལ་ཕེབས་རྗེས་ཙམ་ལ་ནཱ་ལེནྡྲ་ཉམས་པ་ཡིན་ཡང་དེའི་སྐབས་ནཱ་ལེནྡྲ་སྤྱིའི་ཆ་ནས་ཧ་ཅང་དར་རྒྱས་ཡོད་པའི་སྐབས་ཡིན་པ་དང་། ནཱ་ལེནྡྲ་བློ་བུར་དུ་ཉམས་པའི་རྒྱུ་མཚན་ཁ་ཆེའི་དམག་གིས་བཅོམ་པར་འབྲེལ་བ་ལས། མ་རྒྱུད་སོགས་སྔགས་དར་བ་དང་འབྲེལ་བ་ཡོད་པའི་བཤད་ཚུལ་དོན་ལ་མི་གནས་ཚུལ་སོགས་གསུངས་ཤིང་། ཧ་ཤིན་རིན་པོ་ཆེས་དེར་ཁ་སྣོན་གྱི་ཚུལ་དུ། སྐབས་དེར་ཧིན་དུའི་ཆོས་ལུགས་ཀྱང་གཅིག་མཚུངས་ཉམས་ཆག་བྱུང་ན་ཡང་། ནང་པ་ཧིན་དུའི་ཆོས་ལུགས་བཞིན་འགྱེལ་ས་ནས་ལང་མ་ཐུབ་པའི་གནད་དོན་རྩ་བ་ནང་ཆོས་སློབ་གསོ་དགོན་པ་དང་དགེ་འདུན་གྱི་ཁྲོད་ཙམ་ལས་འདའ་མ་ཐུབ་པར་ཐུག་ཡོད་པ་དང་། དེ་ཡང་ཁ་ཆེས་ནང་པའི་དགེ་འདུན་གྱི་སྡེ་བཅོམ་ཤིང་། དགོན་པ་གཤིག་རྗེས་ནང་པའི་ཆོས་མི་མང་གི་ནང་དུ་མེད་པས་བསྐྱར་གསོ་མ་ཐུབ་པ་ཡིན་པས་མི་མང་ལ་ཆོས་ཀྱི་གོ་རྟོགས་ཡོད་པ་ཧ་ཅང་གལ་ཆེ་ལ། ཐའེ་ཝན་དུ་བོད་བརྒྱུད་དར་ནས་ལོ་འདི་ཙམ་ཕྱིན་ཡང་ད་དུང་རྐང་ཚུགས་པ་རང་ཞིག་མེད་པ་དེ་ཡང་མི་མང་ལ་ནང་ཆོས་ངོ་སྤྲོད་མཐུས་ཚང་ཞིག་མ་ཐུབ་པར་ཐུག་ཡོད་གསུངས།
(རྙིང་མ་)མཁན་པོ་ཆོས་ཉིད་དོན་རྟོགས། དྲ་རྒྱའི་བརྙན་ཕྲིན་ལྟ་མཁན་གྱི་ད་ལྟའི་ཁྱབ་ཁོངས་སོགས་ངོ་སྤྲོད་དང་འབྲེལ། བརྡ་འཕྲིན་གྱི་མ་ལག་འདི་དག་སྤྱད་ནས་གནས་བབ་དང་འཚམས་པའི་ལས་དོན་བྱ་རྒྱུ་ནི། ་རང་རེའི་ངོས་ནས་མ་འོངས་པར་འགན་འཁུར་སྟངས་ཤིག་ཡིན་གསུངས།(སེ་ར་བྱེས)ར་རྒྱ་བློ་དབང་གིས།
ཆོས་བརྒྱུད་ཚང་མ་བླ་བརྒྱུད་ཀྱི་ཐོག་ནས་ཕན་ཚུན་གཅིག་ལྟོས་མེད་དུ་གནས་པ་ཞིག་མིན་པར་འདྲེས་ཏེ་ཡོད་པ་སོགས་དཔེ་མཚོན་དུ་བཀོད་དེ། བསམ་པ་རྣམ་དག་གིས་རྒྱུ་མཚན་ལྡན་པའི་རིས་མེད་ཀྱི་གོ་བ་ཞིག་རྙེད་རྒྱུ་ཧ་ཅང་གལ་ཆེན་ཡིན་པ་དང། ལམ་རིམ་ཆེ་བ་བཞི་ལྡན་ལྟ་བུ་རིས་མེད་ཉམས་སུ་ལེན་མཁན་གྱི་ཁེ་ཕན་ཡིན་པ། སྔོན་ཀློང་ཆེན་རབ་འབྱམས་སོགས་ཀྱི་གསུང་དུ་སྐྱ་བཀའ་བརྒྱུད་ལྟ་བུའི་ཚིག་དག་དགོན་པ་དང་གདན་ས་མཚོན་པའི་ཚིག་ཙམ་ལས་ཆོས་བརྒྱུད་ཀྱི་ངོས་འཛིན་དུ་བྱས་པ་མེད་པ་ལྟ་བུའི་གཟིགས་ཚུལ་ཡོད་པ་དང་། འདི་དང་རིས་མེད་ཀྱི་བར་ལ་དམིགས་བསལ་གྱི་འབྲེལ་བ་ཡོད་པའི་འབྲེལ་བརྗོད་བྱས།
(ས་སྐྱ་རྫོང་སར)མདོ་འཛིན་པ་སློབ་དཔོན་བསོད་ནམས་ཕུན་ཚོགས་ཀྱིས་ཀྱང་། ཚོགས་འདུའི་ལས་རིམ་ཧྲིལ་པོར་ལྟ་སྐུལ་གནང་བ་དང་འབྲེལ། ས་སྐྱའི་མཁན་ཆེནཨ་པད་རིན་པོ་ཆེའི་གསུང་སྒྲོས་ལུང་དུ་དྲངས་ནས་མ་འདྲེས་པའི་སློབ་སྦྱོང་དང་། གཞི་གཅིག་ལ་འབབ་པའི་ཉམས་ལེན་བྱེད་པ་གཉིས་ཀྱི་ཐོག་ནས་བསྟན་པ་རིས་མེད་ལ་གོ་བ་ལེན་སྟངས་སོགས་ཐད་དགོངས་ཚུལ་དང་། ཚང་མས་ཞིབ་འཇུག་ཚོགས་པའི་ལས་དོན་སྤྱི་དང་བྱེ་བྲག་ལ་ཕྱར་གྲུ་མཉམ་འདེགས་དགོས་པའི་འབོད་སྐུལ་ཀྱང་གནང་སོང་།
དེ་བཞིན་(རྙིང་མ)སློབ་དཔོན་བཀྲ་ཤིས་བདེ་ལེགས་རེས་མེད་ཀྱི་དགོས་གལ་དང་། (རྙིང་མ་)བཙུན་མ་ཤེས་རབ་བཟང་མོས་འབྱུང་འགྱུར་བཙུན་མའི་སྡེ་ཡང་སྔར་ལས་ལྷག་པའི་སྒོ་ནས་མཉམ་ཞུགས་གནང་ཐུབ་རྒྱུའི་འབོད་སྐུལ། དེ་བཞིན། ཐའེ་སྡོད་བོད་རིགས་གཞོན་སྐྱེས་ཚེ་རིང་ནོར་བུས་ནང་ཆོས་ང་སྤྲོད་མང་ཙམ་གནང་ཐུབ་ན་དགེ་མཚན་ཆེ་བ་སོགས་ཀྱི་ཐད་བསམ་ཚུལ་རེ་བསྐུལ་དང་འབྲེལ་བའི་གཏམ་བཤད་བཅས་གནང་ཡོད།
ཐའེ་ཝན་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པ་ནི་ཉིས་སྟོང་དགུའི་ལོར་ཐའེ་ཝན་དུ་དབུ་ཚུགས་ཤིང་། ད་ཐེངས་རྒྱུན་ལས་སྐབས་གསུམ་པ་ཡིན་པར་མ་ཟད། ཐོག་མར་གཞི་རྩའི་རྐང་འཛིན་མཁན་སྤྲུལ་བཞི་ཡོད་པ་ནས་ད་ལྟ་ཆོས་བརྒྱུད་ཁག་ལྔའི་མཁན་སྤྲུལ་དགེ་བཤེས་བཅུ་ལས་གྲུབ་པའི་ཆོས་ཚོགས་ཁག་མཉམ་འདུས་ཀྱིས་གཉེར་སྐྱོང་བྱེད་བཞིན་པའི་ཚོགས་པ་ཞིག་ཡིན་པ་དང་། ཉིས་སྟོང་བཅུ་གཉིས་ཀྱི་ལོ་ནས་ཚོགས་པ་འདིའི་ཡན་ལག་གི་ངོ་བོས་ཐོག་ནས་ཐའེ་ཝན་བོད་བརྒྱུད་ནང་བསྟན་དྲ་བརྙན་ཟེར་བ་ཞིག་ཀྱང་དབུ་འཛུགས་གནང་ནས་ད་ལྟ་ལས་ཀ་བྱེད་བཞིན་ཡོད།
ཐེངས་འདིའི་བགྲོ་གླེང། ཚོགས་པའི་ལས་དོན་ཆ་བགོས་ཀྱི་འགྲོ་སྟངས་ལྟར། ཀཿཐོག་རིག་འཛིན་ཆེན་པོ་དང་། སློབ་དཔོན་བསོད་ནམས་ཕུན་ཚོགས། མཁན་པོ་ཚུལ་རྣམ། བླ་མ་ཡེ་ཤེས་རབ་རྒྱས། མཁན་པོ་རྫ་ཚེ་རིང་བཀྲ་ཤིས་བཅས་ཀྱིས་འགན་འཁུར་གོ་སྒྲིག་ཞུས་པ་ཡིན།
གསར་འགྱུར་བསྡུ་སྒྲིག་པ་རྒྱལ་སྤྱིའི་བོད་བརྒྱུད་ནང་བསྟན་ཞིབ་འཇུག་ཚོགས་པའི་ཡིག་ཚང་།
Subscribe to:
Post Comments (Atom)
0 comments:
Post a Comment