༄༅།། ཨེ་མ་ཧོའི་རིག་མཛོད།

༄༅། །རིག་འཛིན་དགོངས་བརྒྱུད་སྙིང་པོ་ཆིག་དྲིལ་ལས་ཐུགས་ཐིག་ཡང་ཟབ་ཕུར་བའི་བརྒྱུད་འདེབས་དངོས་གྲུབ་མྱུར་འཇུག་ཅེས་བྱ་བ་བཞུགས་སོ། །
ན་མོ་གུ་རུ་བུདྡྷ་ཛྙྰ་ན་ས་ཏྭ་ཡ། །
རིགས་ཀུན་ཁྱབ་བདག་ཀུན་བཟང་རྡོ་རྗེ་ཆོས། །
མཚོ་སྐྱེས་རྡོ་རྗེ་འབངས་གྲོགས་མཆོག་དང་། །
ཁྱད་པར་གནུབས་ཆེན་སངས་རྒྱས་ཡེ་ཤེས་ལ། །
གསོལ་བ་འདེབས་སོ་དམ་ཆོས་བར་ཆད་སོལ། །
ཡེ་ཤེས་མཚོ་རྒྱལ་དང་ཤྰཀྱ་དེ་ཝ་དང་། །
དུམ་རྒྱ་ཞིང་ཁྲོམ་ཧྰུྃ་ནག་མེ་འབར་དང་། །
པདྨ་དྲག་གླིང་ཡིད་བཞིན་ནོར་བུ་ལ། །
གསོལ་བ་འདེབས་སོ་དམ་ཆོས་བར་ཆད་སོལ། །
སྣང་སྲིད་དབང་བསྒྱུར་ཁྲོ་རྒྱལ་ཀུ་མྰ་ར། །
ཁྲོ་བཅུ་ཡབ་ཡུམ་ཟ་གསོད་སྒོ་མ་བཞི། །
ཕུར་སྲུང་བཅུ་དྲུག་དབང་ཕྱུག་ཉེར་བརྒྱད་ལ། །
གསོལ་བ་འདེབས་སོ་དམ་ཆོས་བར་ཆད་སོལ། །
ཕྱི་དཀྱིལ་མཚན་མ་རྫས་ཀྱི་ཕུར་ཤར། །
ནང་དཀྱིལ་རྩ་རླུང་ལྷ་ཡི་རྣམ་པར་དག །
གསང་དཀྱིལ་བྱང་སེམས་ཐིག་ལེའི་རྩལ་རྫོགས་ནས། །
ཡང་གསང་དོན་རྟོགས་འགྲོ་ཀུན་སྨིན་གྲོལ་ཤོག །ཅེས་པའང་རབ་རྒྱན་ས་བྱིའི་ཟླ་༨་ཚེས་༢༥་འམ་སྤྱི་ལོ་༢༠༠༩ ༡༠༢༣དབང་ཕྱོགས་མཁའ་འགྲོ་འདུ་བའི་དུས་བཟང་ཉིན་མདོ་མཁྱེན་བརྩེའི་ཡང་སྤྲུལ་༧འཇམ་དཔལ་ཆོས་ཀྱི་རྒྱལ་མཚན་དང་ཨ་ཁུ་འཇམ་དཔལ་བཟང་པོ། ཨ་ནེ་ཡེ་ཤེས་ཆོས་སྒྲོན་དང་གསེར་མདོག་གི་ལྕང་ལོ་ཤིན་ཏུ་མཛེས་པའི་ཕྱི་གླིང་པ་སོགས་མཆེད་གྲོགས་དུ་མས་ཡང་ཡང་བསྐུལ་བའི་ངོར་སྟོབས་འབྱོར་གྱི་རྒྱལ་ཁབ་དབྱིན་ལན་གྱི་ཤར་ཕྱོགས། བྷོ་དྷི་ཙིཏྟའི་རི་རྩེ། སྣ་ཚོགས་ལྗོན་ཤིང་གི་གཡུ་ལོས་རབ་ཏུ་གཏམས་པའི་དགའ་ཚལ། བོད་བརྒྱུད་རྣལ་འབྱོར་ཆོས་ཚོགས་ཁང་ནས་རིག་འཛིན་དཔལ་དགྱེས་པ་རྡོ་རྗེས་ཡང་ཟབ་རྡོ་རྗེ་ཕུར་བུའི་བརྒྱུད་གསུམ་བླ་མ་རྣམས་ལ་གསོལ་བ་འདེབས་པ་ཤྲྰི་སརྦ་བི་ཛ་ཡནྟུ། །