༄༅།། ཨེ་མ་ཧོའི་རིག་མཛོད།

ན་མོ་གུ་རུ་དྷེ་ཝ་ཌྰཀྐི་ཡེ། །

 

རྒྱལ་ལོ་རྒྱལ་ལོ་ལྷ་རྒྱལ་ལོ། །

དཀོན་མཆོག་གསུམ་པོ་ལྷ་རྒྱལ་ལོ། །

སྣང་སྲིད་དགེ་བའི་ལྷ་རྒྱལ་ལོ། །

ཞི་བདེ་དགྱེས་པའི་ལྷ་རྒྱལ་ལོ། །

 

བདེན་པ་རིན་ཆེན་ལྷ་རྒྱལ་ལོ། །

དྲང་སྲོང་རྗེ་རིགས་ལྷ་རྒྱལ་ལོ། །

དཀར་ཕྱོགས་དགའ་བའི་ལྷ་རྒྱལ་ལོ། །

དགེ་འདུན་ཆོས་དཔལ་ལྷ་རྒྱལ་ལོ། །

 

མངའ་རིས་སྐོར་གསུམ་ལྷ་རྒྱལ་ལོ། །

དབུས་གཙང་རུ་བཞིའི་ལྷ་རྒྱལ་ལོ། །

ཆུ་བཞི་སྒང་དྲུག་ལྷ་རྒྱལ་ལོ། །

ཆོལ་གསུམ་འགོ་བའི་ལྷ་རྒྱལ་ལོ། །

 

འཇིག་རྟེན་སྲིད་པའི་ལྷ་རྒྱལ་ལོ། །

ཉན་རང་དགྲ་བཅོམ་ལྷ་རྒྱལ་ལོ། །

བྱང་ཆུབ་སེམས་ཀྱི་ལྷ་རྒྱལ་ལོ། །

གསང་སྔགས་བསྟན་པའི་ལྷ་རྒྱལ་ལོ། །

 

གངས་ལྗོངས་བསྟན་སྲུང་ལྷ་རྒྱལ་ལོ། །

རྩ་རླུང་ཐིག་ལེའི་ལྷ་རྒྱལ་ལོ། །

གདན་གསུམ་ཚང་པའི་ལྷ་རྒྱལ་ལོ། །

ཕྱག་རྫོགས་དབུ་མའི་ལྷ་རྒྱལ་ལོ། །

 

རྒྱལ་ཁ་ཐོབ་པའི་ལྷ་རྒྱལ་ལོ། །

རྒྱལ་འབངས་བདེ་བའི་ལྷ་རྒྱལ་ལོ། །

རྒྱལ་ཀུན་དགྱེས་པའི་ལྷ་རྒྱལ་ལོ། །

རྒྱལ་སྲས་རྒྱལ་བའི་ལྷ་རྒྱལ་ལོ། །

 

ཕྱི་དབྱིངས་དགྲ་བླའི་ལྷ་རྒྱལ་ལོ། །

ནང་རོལ་ཝེར་མའི་ལྷ་རྒྱལ་ལོ། །

གསང་ཆེན་ཆོས་སྐྱོང་ལྷ་རྒྱལ་ལོ། །

ཡང་གསང་རིག་འཛིན་ལྷ་རྒྱལ་ལོ། །

 

ཕ་ལྷ་རྣལ་འབྱོར་ལྷ་རྒྱལ་ལོ། །

མ་ལྷ་མཁའ་འགྲོ་ལྷ་རྒྱལ་ལོ། །

བུ་ལྷ་དམ་ཅན་ལྷ་རྒྱལ་ལོ། །

གྲོགས་ལྷ་གཉེན་པོ་ལྷ་རྒྱལ་ལོ། །

 

བུ་ཕོ་དཔའ་བོའི་ལྷ་རྒྱལ་ལོ། །

བུ་མོ་དཔའ་མོའི་ལྷ་རྒྱལ་ལོ། །

བརྩེ་གདུང་དུང་བའི་ལྷ་རྒྱལ་ལོ། །

ཀི་ཀི་བསྭོ་བསྭོ་ལྷ་རྒྱལ་ལོ། །

 

ཡིད་བཞིན་ནོར་བུ་ལྷ་རྒྱལ་ལོ། །

དུས་ཀྱི་འཁོར་ལོ་ལྷ་རྒྱལ་ལོ། །

རྗེ་བཙུན་སྒྲོལ་མ་ལྷ་རྒྱལ་ལོ། །

གེ་སར་རྒྱལ་པོ་ལྷ་རྒྱལ་ལོ། །

 

སངས་རྒྱས་བསྟན་པ་དར་ཞིང་རྒྱས། །

འཇིག་རྟེན་བདེ་ཞིང་དགའ་སྐྱིད་ངང་། །

རྒྱལ་ཁམས་རྒྱལ་བའི་རྟེན་འབྲེལ་ཀུན། །

བཀྲ་ཤིས་བདེ་ལེགས་ཕུན་ཚོགས་ཤོག །