Friday, 9 September 2011
12:35 | 
Posted by
༄༅།། ཨེ་མ་ཧོའི་རིག་མཛོད་། |
སྤྱི་ལོ་ ༢༠༡༡ ཟླ་ ༩ ཚེས་ ༩ གི་ཆུ་ཚོད་ ༡༢ སྐར་མ་ ༢༦
སྙན་ངག་གི་རྩོམ་རིག་སྨྲ་བ་ཞེས་པ་འདི་འདྲ་བ་ཞིག་ལ་བརྗོད་དགོས་པར་སྣང་ངོ་། །
སྔོན་བྱོན་ཀུན་མཁྱེན་ཡབ་ སྲས་ཀྱི་གཞུང་འགྲོས་དང་མཐུན་པ། དེང་དུས་སྙན་ངག་མཁས་དབང་སྒིས་སྟེང་བློ་བཟང་དཔལ་ལྡན་དང་དགེ་འདུན་ཆོས་འཕེལ་ རྣམ་པའི་གསུང་དང་མཚུངས་པར་འདུག་པས་བྱ་དགའ་ཚོགས་མིས་ཐུགས་བཞེས་ཟབ་མོ་གནང་ དགོས་པར་སེམས་སོ། ། གང་ལྟར་རང་ངོས་ནས་་་་་་་
ཨེ་མ་ཧོ། །
སེང་ལྕམ་འབྲུག་མོ་ཁབ་ཏུ་བཞེས་ནས་འཛམ་གླིང་སེང་ཆེན་རྒྱལ་པོ་གྱུར། །
འབྲུག་མོ་མཛེས་མའི་རྟེན་འབྲེལ་ཀུན་འཛོམས་བདེ་ཆེན་ཡེ་ཤེས་ཁབ་ཏུ་སོན། །
སྟག་སེང་ཁྱུང་འབྲུག་སྒྱུ་རྩལ་ངོམ་ནས་ནག་ཕྱོགས་བདུད་ཀྱི་གཡུལ་རྒྱལ་བཞིན།
བཀྲ་ཤིས་བདེ་ལེགས་ཕྱི་ནང་གསང་བའི་ཕུན་སུམ་ཚོགས་པའི་མགོན་ཉིད་རྒྱལ། །
རྒྱལ་བའི་ལུང་རྟོགས་དམ་ཆོས་ཞེས་པ་བཤད་དང་སྒྲུབ་པ་ཁོ་ནས་འཛིན། །
ཐོས་བསམ་སྒོམ་པའི་བསྙེན་སྒྲུབ་ཕྲིན་ལས་བསྟན་པའི་སྙིང་པོ་ལེགས་པར་སྐྱོང་། །
མདོ་སྔགས་བསྟན་པའི་འཆད་རྩོད་རྩོམ་པས་ངེས་དོན་རྒྱལ་བའི་བསྟན་པ་སྤེལ། །
༧སྐྱབས་རྗེ་དམ་པ་སྙིགས་མའི་མགོན་པོ་ཚེ་མཐའ་ཡས་པར་བཞུགས་གསོལ་འདེབས། །
སྙིགས་དུས་གཡོ་སྒྱུའི་མུན་ཀློང་ཁྲོད་ན་ཁྱོད་ནི་བདེན་ཆེན་ཉི་མ་དངོས། །
བསྟན་བཤིག་རྐུན་ཇག་འཇིག་རྟེན་ཁམས་འདིར་ཁྱོད་ནི་དྲང་སྲོང་ཟླ་བ་དངོས། །
དྲང་བདེན་དཀོན་པའི་འཛམ་གླིང་འདི་ན་ཁོང་ནི་བསླུ་མེད་གྲོགས་ཀྱི་མཆོག །
བདེན་རྫུན་མངར་སྐྱུར་ཚོར་བ་ཡོད་ན་ཡང་དག་རྣམ་དཔྱོད་གཞན་ལས་ལྷག །
ཤྲྰིས་སོ། །
Subscribe to:
Post Comments (Atom)
0 comments:
Post a Comment