Friday 9 September 2011
12:40 | 
Posted by
༄༅།། ཨེ་མ་ཧོའི་རིག་མཛོད་། |
ཨེ་མ་ཧོ།
དམ་ཚིག་ལྔ་ལྡན་རྒྱལ་བའི་ཡེ་ཤེས་མཁྱེན་རབ་དབང་ཕྱུག་བླ་མ་རྗེ། །
ཐུགས་བརྩེ་ཉེ་བའི་དྲི་མེད་ལྷག་བསམ་སྣ་ལྔའི་འོད་གསལ་སྙིང་པོ་ཉིད། །
ཀུན་བཟང་བསྟན་པའི་རྒྱན་དུ་འཆར་བ་ངོ་མཚར་འདི་ཀོ་ཨེ་མ་ཧོ། །
བཀྲ་ཤིས་བདེ་ལེགས་འཚམས་འདྲི་དང་བཅས་མོས་གུས་ཡིད་ཀྱིས་མཇལ་ཕྱག་འཚལ། །
ཞལ་མཇལ་གསུང་ཐོས་མངོན་སུམ་སྣང་བ་སྐལ་བ་ཅུང་ཟད་ན་ཕྲ་ཡང་། །
རྨི་ལམ་དབང་ཕྱུག་སྒྱུ་འཕྲུལ་ལོངས་སྤྱོད་ཀ་དག་སྟོང་པའི་རིག་རྩལ་ལས། །
ཆགས་ཐོགས་ཀུན་བྲལ་རིག་འཛིན་ཆེན་པོ་སྙིང་དཀྱིལ་པདྨ་གེ་སར་ལགས།
གསང་ཆེན་བསྟན་པའི་མཁས་གྲུབ་ཁྱེད་ལ་གྲངས་མེད་ལུས་ཀྱིས་སྒོམ་ཕྱག་འཚལ། །
ཤར་གླིང་རྒྱ་མཚོའི་གླིང་ཕྲན་མཛེས་པར་བོད་བརྒྱུད་བསྟན་པའི་བདག་པོ་ཁྱོད། །
མང་ཐོས་ལུང་རིགས་དཀོན་མཆོག་སྤྱི་འདུས་བཤད་སྒྲུབ་བསྟན་པར་འཛིན་སྐྱོང་སྤེལ། །
རྡོ་རྗེ་འཆང་ཆེན་དགེ་སློང་ཆ་ལུགས་ང་ཡི་སྙིང་གི་ནོར་བུ་ཁྱོད། །
ཡར་ཚེས་དུས་བཟང་སེངྒ་གླིང་ནས་བདག་གིས་སྒོ་གསུམ་གུས་ཕྱག་འཚལ། །
ཕྲན་ཆུང་ཤྲྰི་ཨནནྟ་བཛྲས་གང་དྲན་སྦས་གསང་མེད་པར་སྙིང་གཏམ་འཕྲིན་དུ་ཕུལ་བར་དགེའོ།
Subscribe to:
Post Comments (Atom)
0 comments:
Post a Comment