Monday 26 September 2011
03:02 | 
Posted by
༄༅།། ཨེ་མ་ཧོའི་རིག་མཛོད་། |
སྤྱི་ལོ་ ༢༠༡༡ ཟླ་ ༩ ཚེས་ ༢༦ གི་ཆུ་ཚོད་ ༩ སྐར་མ་ ༥༦
མིང་རྫུན་ཙམ་མ་ཟད་བདག་གིས་སྔོན་བྲིས་པའི་ཨེ་མ་ཧོའི་རིག་མཛོད་དུ་ཡོད་པ་ཚོ་ཡང་བཀོད་འདུག ཁྱོད་ཚོ་ངོ་ཡང་མི་ཚའམ། ཁྱད་པར་ཁ་སང་ཀརྨ་ཡེ་ཤེས་ཟེར་བ་དང་འབྲུག་ཚེ་རིང་གིས་དོན་མེད་དང་གཞི་མེད་སྒྲོ་འདོགས་ག་རེ་བྱས་ཡོད་ཁྱེད་ཁ་བརྡ་དྲ་བས་ཤེས་གསལ་རེད། དེ་དག་སུ་ཡང་དེ་གཉིས་མངོན་གསལ་རེད། འདི་བདག་རང་མིན་གསལ་བཤད་ད་ལྟ་རང་གནང་དགོས་ཡོད། བདག་དངོས་ཡིན་པར་རྩོམ་དེ་ད་ལྟ་ངས་ཨེ་མ་ཧོའི་རིག་མཛོད་དུ་བཞག་ཡོང་གཟིགས་ཨྰ། ཁྱད་པར་ཀརྨ་ཡེ་ཤེས་ལགས། ཁྱེད་དང་ང་ཚོ་ལས་རིགས་གཅིག་པ། ཡག་པོ་ཡིན་ན་ཡིན་མཉམ། སྡུག་ཅག་ཡིན་ན་ཡིན་མཉམ། བདེན་པ་ཡིན་ན་ཡིན་མཉམ། ཟོག་པོ་ཡིན་ན་ཡིན་མཉམ་རེད། ལར་ང་ཚོས་དེ་རིང་གི་བར་དུ། མར་མེའི་སྨོན་ལམ་འདོན་སྐབས། བཤེས་གཉེན་དམ་པ་བཀའ་དྲིན་ཆེ་བ་དང་། དམ་ཚིག་གཅིག་པའི་རྡོ་རྗེའི་སྤུན་གྲོགས་དང་།། ཤེས་རབ་གཉེན་གྱིས་སྦྲེལ་བའི་གཟུངས་མ་གསུམ།། ཚེ་རབས་འདི་དང་ཚེ་རྒྱུད་ཐམས་ཅད་དུ།། མི་འབྲེལ་འགྲོགས་པའི་ཏིང་འཛིན་རྩེ་གཅིག་གིས།། ཞེས་སྨོན་ལམ་བཏབས་པ་རེད། ད་ཁྱེད་ཀྱིས་ང་ལ་ངོ་མི་མཐོང་བའི་སྨོན་ལམ་འདེབས་པ་དེ་ཁྱེད་རང་གིས་ནོར་འཁྲུལ་རེད། ཕ་བཟང་གི་བུ། མི་གཞན་གྱིས་མཁའ་ཁ་དབྱེན་མཆུའི་ཁ་ལ་མ་རྒྱུགས། ངས་ནི་ཁྱེད་དང་ང་ཚོ་སྐྱིད་སྡུག་གཅིག་པ་ཡིན་བསམ་ནས་སྔོན་མ་ཁྱེད་ལ་ཞབས་བརྟན་ཡང་བྲིས་པ་ཁྱེད་ཀྱིས་ཤེས་གསལ་རེད། ཉེ་སྔོན་ཨ་རིག་དགེ་མཐོང་གིས་དྲ་ཐོག་ནས་ཁྱེད་ལ་ཚིག་རྒྱག་བྱེད་སྐབས་ཡང་དགེ་མཐོང་མཁས་པ་ཡིན་ཡང་དེ་འདྲ་བྲིས་ན་མ་འོས་པ་རེད་བསམ་སོང་། གང་ཡིན་ཟེར་ན་ཁྱེད་ཀྱིས་ཁོང་ཚོའི་གདན་ས་ལ་ཞབས་ཕྱི་ཅི་འགྲུབ་བྱེད་ཀྱི་ཡོད་ཀི་མོ། གང་ལྟར་ལབ་རྒྱུ་ཡོད་ན་ངོ་ལ་བལྟས་ནས་ལབ་ཤོག་དང་། ངས་ནོར་ཡོད་པ་ཞིག་ཡིན་ན་ངས་དགོངས་དག་ཞུ་ཆོག ཁྱེད་ཀྱིས་ནོར་ཡོད་པ་ཞིག་ཡིན་ན་ང་ལ་དགོངས་དག་ཞུས་མ་ཞུས་ལ་ཁྱད་ཅང་མེད། གང་ལྟར་དམ་ཚིག་ལ་ངོ་ལྐོག་མེད་པ་བྱེད་རོགས། ཁྱེད་ལྟ་བུ་བླ་ཆེན་མཁན་སྤྲུལ་ཡིན་ཟེར་མཁན་ཞིག་གིས་མིང་རྫུན་བཀོལ་ནས་དྲ་ཐོག་ནས་ངོ་ལྐོག་བྱེད་རྒྱུ་དེ་བསྟན་པ་ནུབ་པའི་སྔ་ལྟས་ཡང་ཡིན་ཤས་ཆེ། གང་ཡིན་ཟེར་ན་ལས་རྒྱུ་འབྲས་བཤད་མཁན་ཚོས་ཀྱང་ལས་འབྲས་མ་བསྲུང་ན་དེ་ནས་སུས་ལས་འབྲས་སྲུང་དགོས་པ་རེད།
Subscribe to:
Post Comments (Atom)
0 comments:
Post a Comment