Friday, 9 March 2012
02:26 | 
Posted by
༄༅།། ཨེ་མ་ཧོའི་རིག་མཛོད་། |
ཨེ་ཝྃ་ཆོས་སྨན་གླིང་གི་ཕ་སྐད་རྒྱུན་འཛིན་ཐེངས་གཉིས་པ་ལེགས་གྲུབ་བྱུང་ཡོད། ། དེ་ཡང་མཁན་པོ་འོད་གསལ་མཐའ་ཡས་ཀྱིས་མདོ་ཁམས་ཕྱོགས་སུ་བོད་སྐད་ཡིག་གི་ཁྱབ་ཁོངས་ཆེ་རུ་གཏོང་དགོས་ཚུལ་དང་། ཁྱད་པར་གཟའ་མིག་དམར་ཉིན་ཨེ་ཝྃ་ཆོས་སྨན་ཁང་དུ་རྒྱལ་སྤྱིའི་སྐད་ཡིག་ཉིན་མོ་དང་སྲུང་གཙི་དང་འབྲེལ། བོད་ཀྱི་རྩོམ་པ་པོ་དང་རྩོམ་སྒྲིག་པ་ཁག་ཅིག་གིས་སྐད་ཡིག་སྲུང་སྐྱོབ་ཐོག་བགྲོ་གླེང་གནང་།
ཕ་སྐད་བོད་ཀྱི་སྐད་ཡིག་རྒྱུན་འཛིན་ཚོགས་པའི་གོ་སྒྲིག་བཞིན་བགྲོ་གླེང་དང་། སློབ་ཕྲུག་ཐ་སྙད་སྟོང་ཕྲག་བཞི་ལྷག་ཐུགས་ལ་ཟིན་ཡོད་མཁན་དང་བོད་ཡིག་ཨང་དང་པོ་ཚོ་ལ་བྱ་དགའ་རིམ་པ་བཞིན་གནང་འདུག
མཛད་སྒོའི་ཐོག་མར་བོད་ཀྱི་སྐད་ཡིག་རྒྱུན་འཛིན་ཚོགས་པའི་ཚོགས་གཙོ་མཁན་པོ་འོད་གསལ་ལགས་ཀྱིས། རྒྱལ་སྤྱིའི་སྐད་ཡིག་གི་གནས་སྟངས་ངོ་སྤྲོད་དང་སྦྲགས། བོད་སྐད་ཡིག་སྐད་ཡིག་རྒྱུན་ཚོགས་པས་རྒྱལ་སྤྱིའི་སྐད་ཡིག་ཉིན་མོ་དང་སྟབས་བསྟུན་ཏེ། བོད་རིགས་མཁས་དབང་ཁག་གི་བོད་ཀྱི་སྐད་དང་ཡི་གེའི་གནས་བབ་སྐོར་བགྲོ་གླེང་གནང་རྒྱུ་དང་། བོད་མིའི་ཟ་ཁང་དང་ཚོང་ཁང་། ཨེ་ཝྃ་རིག་པའི་ལོ་དེབ་དང་། འབྱུང་འགྱུར་གྱི་འཆར་འགོད་དང་། སྐད་ཡིག་ཀྱི་དཀའ་ངལ་དེ་མི་སྒེར་བ་ཞིག་དང་ཚོགས་སྡེ་ཞིག་གིས་གཅིག་གྱུར་ཐུབ་པ་ཞིག་མིན་པར། མི་རིགས་ཀྱི་ཤེས་རིག་དང་དཔལ་འབྱོར་ཡར་རྒྱས་དང་བསྟུན་ཏེ་ཡོང་དགོས་པ་ཞིག་ཡིན་ཚུལ་གསུངས།
བླ་མ་རོང་ལེས་གསུངས་པ་ལྟར་ན་སྐད་ཡིག་ཐོག་བཅངས་བའི་འདུ་ཤེས་ཞན་པ་བཅས་ཀྱིས་སྐད་ཡིག་སྲུང་སྐྱོབ་ཐོག་གནོད་པ་ཆེན་པོ་ཐེབས་བཞིན་ཡོད་ཚུལ་དང་། སྐད་ཡིག་སྲུང་སྐྱོབ་ཀྱི་ལས་གཞི་འདི་སྐད་ཡིག་ཚོགས་པ་ཁོ་ནའི་འགན་འཁྲི་ཙམ་མིན་པར། མི་སྒེར་སོ་སོ་སྐད་ཡིག་བེད་སྤྱོད་དང་དོ་སྣང་བྱ་དགོས་པ་ཞིག་དང་། སྒྲིག་འཛུགས་ཀྱི་ངོས་ནས་སྟངས་འཛིན་ནན་མོ་བྱས་ཏེ། སློབ་གྲྭ་དང་དགེ་རྒན་ལ་དམིགས་བསལ་དགོངས་བཞེས་གནང་སྐོར་སོགས་གསུངས་སོ།
ཨེ་ཝྃ་ཆོས་སྨན་གླིང་གི་སློབ་ཕྲུག་ངག་དབང་རྡོ་རྗེས།། །།
Subscribe to:
Post Comments (Atom)
0 comments:
Post a Comment