དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Wednesday 5 December 2012
༄༅། །དགའ་ལྡན་ལྔ་མཆོད་ཆེན་མོའི་སྒྲུབ་ཐབས་རིན་ཆེན་སྒྲོན་མེ། །

ཨེ་མ་ཧོ། །

དཀོན་མཆོག་གསུམ་ལ་སྐྱབས་སུ་མཆི། །

འགྲོ་ཀུན་སྒྲོལ་བར་སེམས་བསྐྱེད་ནས། །

ཆོས་སྤྱོད་ཡན་ལག་བཅུ་བར་འབད། །

བསྟན་འགྲོར་ཕན་བདེ་ཡོང་བར་སྨོན། །

ཕྱག་འཚལ་རྒྱལ་བ་སྲས་བཅས་དང་། །

མཆོད་པ་རྣམ་ལྔའི་སྤྲིན་ཆེན་འབུལ། །

ལས་ཉོན་བག་ཆགས་སྡིག་པ་བཤགས། །

ཚོགས་བསགས་དགེ་ལ་རྗེས་ཡི་རང་། །

འགྲོ་ཁམས་སྨིན་པར་ཆོས་འཁོར་བསྐུལ། །

མྱ་ངན་མི་འདའ་ཞབས་བརྟན་གསོལ། །

དགེ་ཚོགས་བྱང་ཆུབ་ཆེན་པོར་བསྔོ། །

ཞི་ལྷག་ངང་ནས་སྒོམ་ལ་འབད། །

ཞི་སྐུ་ཐུབ་པ་ཆེན་པོ་སྒོམ། །

མཚན་བཟང་དཔེ་བྱད་རབ་ཏུ་རྒྱན། །

ཚངས་དབྱངས་རྟེན་འབྱུང་ཟབ་མོ་དོན། །

ཡང་ཡང་བསམ་ཞིང་རྗེས་དྲན་བྱ། །

ཤྰཀྱ་ཐུབ་པའི་བསྟན་འཛིན་མཆོག །

ཨོ་རྒྱན་པདྨའི་སྤྲུལ་པའི་སྐུ། །

དགེ་སློང་བློ་བཟང་གྲགས་པ་ལ། །

ཡོན་ཏན་ཤེས་པས་སྐྱབས་སུ་འགྲོ། །

རྙེད་དཀའི་མི་ལུས་རིན་ཆེན་ལ། །

མི་རྟག་འཆི་བའི་དྲན་སྐུལ་དང་། །

འཁོར་བ་སྡུག་བསྔལ་རྒྱལ་མཚོ་ལས། །

ཐར་ཕྱིར་དགེ་སྒྲུབ་སྡིག་སྤང་བྱ། །

དེ་ལྟར་ངེས་འབྱུང་རྣལ་མའི་ངང་། །

བྱང་ཆུབ་སེམས་གཉིས་ལེགས་བརྩོན་ནས། །

དག་མཉམ་བདེན་པའི་ངང་དུ་གནས། །

རྟེན་འབྱུང་དབུ་མའི་གོ་བ་གཅིག །

བདེ་ཆེན་ཕྱག་རྒྱའི་མྱོང་བ་གཉིས། །

རྫོགས་ཆེན་རིག་པའི་རྟོགས་པ་གསུམ། །

རྒྱལ་ཀུན་སྒྲུབ་པའི་མཆོད་པ་འབུལ། །

སེར་སྣ་བྲལ་བའི་མཆོད་འབུལ་དང་། །

ཟུག་ངུ་བྲལ་བའི་བཟོད་པ་སྒོམ། །

ལུང་རྟོགས་མཁྱེན་པའི་ཤེས་རབ་ཀྱིས། །

དུག་གསུམ་འཁྲུལ་བའི་རྩ་བ་གཅོད། །

སྙིགས་དུས་འགྲོ་ལ་བསོད་ནམས་མཐུ་བསྐྲུན་པའི། །

རྒྱལ་བ་གཉིས་པ་བློ་བཟང་གྲགས་པའི་དཔལ། །

གསུང་གི་སྙིང་པོ་རིག་ལམ་མདོ་སྔགས་གཞུང་། །

དགེ་ལུགས་བསྟན་པ་དར་ཞིང་རྒྱས་གྱུར་ཅིག །

ཐུགས་རྗེ་གཏེར་ཆེན་འཕགས་པ་སྤྱན་རས་གཟིགས། །

མཁྱེན་རབ་དབང་ཕྱུག་རྗེ་བཙུན་འཇམ་དཔལ་དབྱངས། །

མཐུ་སྟོབས་ནུས་པའི་བདག་ཉིད་རྡོ་རྗེ་འཛིན། །

བློ་བཟང་རྒྱལ་བའི་བསྟན་པ་དར་གྱུར་ཅིག །

རྒྱལ་བསྟན་སྤྱི་དང་བོད་བརྒྱུད་བསྟན་པ་ལ། །

ཉེས་པའི་གདོན་དུ་སླད་པའི་དམ་སྲིའི་དཔུང་། །

འདྲེ་ལ་སྐྱབས་བཅོལ་གྲོགས་ཀྱི་སྲོག་འཕྲོག་པའི། །

དགེ་རྫུན་དེ་ཀུན་རྩ་ནས་ཞི་གྱུར་ཅིག །

ཐོས་བསམ་མདོ་སྔགས་རིག་གནས་བཤད་པས་འཛིན། །

ལམ་རིམ་བྱང་ཆུབ་ཐབས་ཚུལ་སྒྲུབ་པས་སྐྱོང་། །

རིམ་གཉིས་ཟུང་འཇུག་བདེན་པ་དགེ་བས་སྤེལ། །

དགེ་ལུགས་རྒྱལ་བའི་བསྟན་པ་རྒྱས་གྱུར་ཅིག །

ཅེས་པ་འདི་རང་རབ་རྒྱན་ཆུ་འབྲུག་མགོ་ཟླའི་མཁའ་འགྲོ་འདུ་བའི་དུས་ཆེན་ནམ་དགའ་ལྡན་ལྔ་མཆོད་ཆེན་མོ་ཞེས་རྗེ་ཙོང་ཁ་པའི་འདས་མཆོད་དུ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་དཔལ་ལྡན་ལྷ་མོས་བསྐུལ་བ་བཞིན་དུ་ཤྰཀྱའི་དགེ་སྦྱོང་བ་མཁན་ཆེན་བླ་མ་འམ་རིག་འཛིན་དཔལ་དགྱེས་པ་རྡོ་རྗེས་གང་དྲན་དུ་གསོལ་བ་འདེབས་པ་དོན་དང་ལྡན་པར་གྱུར་ཅིག ། ཤྲྰི་སརྦ་ལོ་ཀ་བི་ཛ་ཡནྟུ། །

0 comments:

ཟིན་བྲིས་འཚོལ་ཡུལ