Saturday 2 February 2013
12:56 | 
Posted by
༄༅།། ཨེ་མ་ཧོའི་རིག་མཛོད་། |
དམ་ཆོས་བདུད་ཀྱི་སྤྱོད་ཡུལ།
་སྨྱོན།
ན་མོ་གུ་རུ་ཌཱ་ཀི་ནི་ཡེ།
རང༵་བཞིན་རྣམ་དག་ཆོས་སྐུའི་ཀློང་ན་མཚན་བཅས་སྤྲོས་པའི་མཐའ་བྲལ་ཡང་།།
རང༵་སྣང་འགག་མེད་སྣ་ཚོགས་གཟུགས་ཀྱིས་འགྲོ་བློའི་ཁམས་དང་རྗེས་འཇུག་ཅིང་།།
རང༵་རིག་འོད་གསལ་དོན་གྱི་སྙིང་པོར་ལུས་ཅན་ངལ་གསོའི་དབུགས་དབྱུང་བའི།།
རང༵་བྱུང་མ་ཅིག་མཁའ་འགྲོའི་ཚོགས་ལ་སྒོ་གསུམ་དད་པས་ཕྱག་འཚལ་བསྟོད།།
དོན་དམ་བདེ་བ་ཆེན་པོའི་དབྱིངས་རུམ་ནས།།
སྣ་ཚོགས་ཐབས་ཀྱིས་གཟུགས་ཀྱི་སྐུར་སྤྲུལ་བ།།
རྩ་བའི་བླ་མ་དྲིན་ཅན་ཆོས་ཀྱི་རྗེ།།
དུས་ཀུན་འབྲལ་མེད་སྤྱི་བོའི་གཙུག་ཏུ་མཆོད།།
ཧཱུྃ་ཕཊཿསྔགས་ཀྱི་རང་སྒྲ་སྐྱེན་པོས་སྣང་སྲིད་སེམས་ཀྱི་རང་ངོར་རྟོགས།།
མི་རྐང་ཌ་རུའི་སྒྲ་སྐད་གཅིག་གིས་སྲིད་གསུམ་གདོན་བགེགས་རྡུལ་དུ་བྱས།།
དུར་ཁྲོད་སྦས་མཐའ་བྲག་ཕུག་ཀུན་ཏུ་བག་ཡངས་ཚུལ་གྱིས་ལེགས་བཞུགས་པའི།།
གཅོད་ཡུལ་བརྒྱུད་པའི་བླ་མའི་ཚོགས་ལ་མི་ཕྱེད་དད་པས་གུས་ཕྱག་འཚལ།།
ཤིན་ཏུ་སྤྲོས་མེད་ཟབ་ལམ་བདུད་ཀྱི་གཅོད༵།།
གཅོད༵་བྱེད་མན་ངག་ཕུན་སུམ་ཚོགས་པའི་དོན༵།།
དོན༵་དམ་དབྱིངས་སུ་འདྲེན་པའི་ལམ་མཆོག་འ༵དི།།
འ༵དི་ན་ཡོད་པས་སྤྲོ་བས་འཇུག་པར་གྱིས།།
ཞེས་པའི་ཚིགས་སུ་བཅད་པ་འགས་སྔོན་བསུས་ནས། འདིར་གླེང་བར་བྱ་བ་ནི། དེ་ཡང་བཀའ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་ཡོངས་སུ་རྫོགས་པ་གཅིག་ཏུ་བསྡུས་ཤིང་། དོན་གཉིས་སུ་མེད་པའི་ཡེ་ཤེས་ཀྱི་རང་ངོ་གསལ་བར་སྟོན་པ། དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་བགྲོད་པ་གཅིག་པུའི་ལམ་དུ་གྱུར་ཅིང་། གྲུབ་ཐོབ་དང་རྟོགས་ལྡན་རྣམས་ཀྱི་དངོས་གྲུབ་འཇོ་བའི་སྟེགས་བུར་གནས་པ། ཡུམ་སྲས་གཉིས་ཀྱི་གདམས་པ་ཕྱིན་ཅི་མ་ལོག་པར་རབ་ཏུ་གསལ་ཞིང་འོད་དུ་འཚེར་ལ། ལམ་ཕ་རོལ་ཏུ་ཕྱིན་པ་ལ་བར་དུ་གཅོད་པའི་བདུད་འཇོམས་པའི་ལག་ལེན་གཟི་འོད་འབར་བ། སྟོན་པ་ཤཱཀྱའི་གཙོ་བོ་ནས་བརྒྱུད་པའི་ཆུ་བོ་བར་མ་ཆད་ཅིང་། མ་ཅིག་ལབ་ཀྱི་སྒྲོན་མ་ནས་གདམས་ངག་གི་རླངས་པའི་ངད་མ་ཡལ་བ། དོན་ཟབ་ཅིང་རྒྱ་ཆེ་ལ་ལག་ཏུ་ལེན་བདེ་ཞིང་བྱིན་རླབས་ཀྱི་མཚན་ཁ་ཆེ་བ། གྲངས་མེད་གསུམ་གྱི་ངལ་བ་མི་དགོས་ཤིང་ཚེ་གཙིག་ལུས་གཅིག་ལ་གྲོལ་བའི་གདམས་ངག་ཁྱད་པར་ཅན་གྱིས་རབ་ཏུ་
ཕྱུག་ཅིང་། བདུད་བཞི་དབྱིངས་ཐོག་ཏུ་གཅོད་པའི་ཟབ་ཆོས་ཕུན་གསུམ་ཚོགས་པ་ཟབ་མོ་དོན་གྱི་ཉིང་ཁུ་ཞེས་བྱ་བའི་ཆོས་ཚན་འདི་དག སྔར་གྱི་མ་དཔེ་རྙིང་པ་དག་རལ་ཟད་དུ་གྱུར་ཅིང་གསར་དུ་དཔར་པ་རེ་ཟུང་དག་ཀྱང་དོན་ནོར་དང་ཡིག་ནོར་ཤིན་ཏུ་མང་བར་བརྟེན། ད་ལན་གྲགས་འདོད་དང་ངོམས་འདོད་ཀྱི་ཀུན་སློང་ངན་པས་མ་བསླད་ཅིང་། སྤྱིར་རྒྱལ་བསྟན་སྤྱི་དང་ཡང་དགོས་ཟབ་མོ་བདུད་ཀྱི་གཅོད་ཡུལ་གྱི་བསྟན་པ་ལ་ཕན་དུ་རེ་བའི་ལྷག་བསམ་བཟང་པོ་ཀུན་ནས་བསླངས་ཏེ། ལག་ཏུ་གང་འབྱོར་གྱི་དཔེ་རྙིང་དག་ལ་ཁུངས་གཏུག་ཞིབ་བསྡུར་བྱས་ཤིང་། དོན་ནོར་ཚིག་ནོར་དག་ལ་ཞུ་དག་དང་ལེགས་བཅོས་གང་ཐུབ་གྱིས་བསྒྲུབས་པར་བརྟེན། རང་གཞན་སུས་ཀྱང་ཡིད་རྟོན་ངེས་པའི་གནས་སུ་གྱུར་བའི་ཟབ་ཆོས། བདུད་གཅོད་ཟབ་མོ་དོན་གྱི་ཉིང་ཁུ་ཞེས་སུ་གྲགས་པའི་ཆོས་ཚན་རྣམས་རིམ་པར་བཀོད་ན། གཞུང་དང་འདོན་ཆ་གཉིས། དང་པོ་གཞུང་ལའང་རྩ་བ་དང་ཡན་ལག་གཉིས་ལས།
༈ དང་པོ་རྩ་བའི་སྐོར་ལ།
༡༽ ཆོས་ཚན་འདིའི་སྤྱི་ཆིངས་སུ་གནས་པ་ཟབ་མོ་དོན་གྱི་ཉིང་ཁུ།
༢༽ བརྒྱུད་གཏམ་མུ་ཏིག་ཕྲེང་བ།
༣༽ དབང་བསྐུར་བྱིན་རླབས་རྒྱ་མཚོ།
༤༽ དོན་ཁྲིད་ཡིད་བཞིན་ནོར་བུ།
༥༽ ཉམས་ལེན་དངོས་གྲུབ་ལག་བཅངས།
༦༽ གེགས་སེལ་གནད་ཀྱི་ལྡེ་མིག
༧༽ བོགས་འདོན་ཡོན་ཏན་གཏེར་འཛོད།
༨༽ མན་ངག་ཟ་འོག་རས་མ།
༩༽ ལྷན་ཐབས་དགོས་འདོད་ཀུན་འབྱུང་བཅས་ཆོས་ཚན་དགུ་རུ་བཞུགས་པའོ།།
༈ གཉིས་པ་ཡན་ལག་གི་ཆོས་སྐོར་ནི།
༡༽ གཅོད་ཀྱི་གེགས་སེལ་ཆེན་མོ་ཤོག་སྒྲིལ་བདུན་མ།
༢༽ བདུད་བཞི་ངོས་འཛིན་རྒྱལ་ཐང་པས་མཛད་པ།
༣༽ རི་ཆོས་ཞལ་གདམས་བདུད་རྩིའི་ཐིགས་པ།
༤༽ སློབ་དཔོན་པདྨས་མཛད་པའི་ཕཊཿཀྱི་རྣམ་བཤད།
༥༽ མ་ཅིག་གི་ཕཊཿཀྱི་བསྙེན་པ་སྐྱེལ་ཚུལ།
༦༽ ཌ་མ་རུ་དང་རྐང་གླིང་གི་སྒྲ་བཤད།
༧༽ མ་ཅིག་ཁྲོས་མ་ནག་མོའི་མཐའ་གཏད་ཉེར་ལྔ།
༨༽ གཅོད་བསྡུས་རིན་ཆེན་སྒྲོན་མེ།
༩༽ གཉན་ཁྲོད་ཞགས་བདུན་མ་བཅས་ཡོངས་རྫོགས་བསྡོམས་པས་ཆོས་ཚན་བཅུ་དགུར་བཞུགས་སོ།།
གཉིས་པ་འདོན་ཆའི་སྐོར་ལ། དེ་ལའང་གཞུང་དང་གར་འཆམ་གཉིས་ལས།
དང་པོ་ལ།
༡༽ ཡུམ་ཆེན་མོའི་སྒྲུབ་ཐབས།
༢༽ རྒྱལ་ཐང་གཞུང་།
༣༽ ཚོགས་མཆོད་སྤྲིན་ཕུང་རྒྱ་མཚོ་བཅས་ཆོས་ཚན་གསུམ་མོ།།
གཉིས་པ་གར་འཆམ་གྱི་སྐོར་ལ།
༡༽ མཁའ་འགྲོ་འབུམ་སྐུལ།
༢༽ ས་འདུལ་བསྟན་པའི་བདག་པོ།
༣༽ གོམ་སྟབས་བརྒྱད་མ།
༤༽ མ་ཅིག་ཁྲོས་མ་ནག་མོ།
༥༽ རྒྱལ་ཐང་པས་མཛད་པའི་ཚོགས་མཆོད།
༦༽ མ་ཅིག་གི་ཚོགས་མཆོད།
༧༽ གཤེད་འབྲལ།
༨༽ བྱ་འགུག
༩༽ བྲོ་རྡུང་བསྡུས་པ།
༡༠༽ བྲོ་རྡུང་ཀུན་གྲོལ་ཆེན་མོ།
༡༡༽ དབང་བསྐུར་དགོངས་སྐྱོད།
༡༢༽ དཀར་མོ་དགོངས་སྐྱོད།
༡༣༽ བདུར་ཁྲོད་དགོངས་སྐྱོད། བཅུ་གསུམ་བཅས་བསྡོམས་པས་ཆོས་ཚན་བཅུ་དྲུག་ཏུ་བཞུགས་ཤིང་ཁྱོན་བསྡོམས་ཆོས་ཚན་སུམ་ཅུ་སོ་ལྔར་བཞུགས་པའོ།།
སླར་སྨྲས་པ།
རྣམ༵་དག་ལྷག་བསམ་གཙང་མའི་སྟོབས་ནི་ཟད་མེད་ག་བུར་བདུད་རྩིའི་རྒྱུན།།
རྣམ༵་མཁྱེན་ཞི་བའི་རྒྱ་མཚོ་ཆེན་པོར་ཐ་དད་མེད་པར་རབ་འདྲེས་ཤིང་།།
རྣམ༵་གྲོལ་ཞི་སིལ་རྒྱལ་བའི་ལམ་བཟང་སྲིད་པའི་མིག་ཏུ་རྟག་བརྟན་ནས།།
རྣམ༵་མང་འགྲོ་བའི་དུ་ཁ་ཡོངས་རྫོགས་ཞི་བའི་དབྱིངས་སུ་ཡལ་གྱུར་ཅིག།།
༡༽
རྣམ་འདྲེན་མཚུངས་མེད་ཤཱཀྱའི་རྒྱལ་པོ་དང་།།
ཞི་བ་ཆགས་བྲལ་གསུང་རབ་དམ་པའི་ཆོས།།
ཚོགས་ཀྱི་དམ་པ་སྐྱབས་མཆོག་དགེ་འདུན་ཏེ།།
སྐྱབས་གནས་གསུམ་གྱིས་དེང་འདིར་ཤིས་པར་མཛོད།།
༢༽
རང་རིག་དམ་པ་དོན་གྱི་གཞལ་ཡས་ནས།།
རང་སྣང་འགག་མེད་འགྲོ་ལ་རྗེས་བརྩེ་བའི།།
རང་བྱུང་དོན་གྱི་མཁའ་འགྲོ་སྡེ་ལྔ་ལ།།
རང་རིག་རང་གསལ་དག་པས་གུས་ཕྱག་འཚལ།།
༣༽
སྐྱེ་མེད་ཡུམ་གྱི་མཁའ་ལ་རྟག་རོལ་ཀྱང་།།
འགག་མེད་ཐུགས་རྗེའི་སྤྱན་ཟུང་མི་ཟུམ་པར།།
འབྲལ་མེད་སྐལ་ལྡན་བུ་ལ་ལེགས་གཟིགས་པའི།།
དབྱེར་མེད་གཅོད་ཡུལ་བརྒྱུད་པས་དུས་ཀུན་སྐྱོངས།།
༤༽
བརྒྱད་ཁྲི་བཞི་སྟོང་ཆོས་ཀྱི་སྙིང་པོའི་དོན།།
མ་ཚང་མེད་པ་གཅིག་ཏུ་རབ་འདུས་ཤིང་།།
སྐལ་ལྡན་ཐར་པར་འདྲེན་པའི་ལམ་མཆོག་སྟེ།།
དམ་ཆོས་གཅོད་ཡུལ་སྤྱི་བོའི་གཙུག་ཏུ་བཀུར།།
༥༽
དབྱེར་མེད་ཆོས་ཀྱི་དབྱིངས་སུ་འབྱམས་ཀླས་ཀྱང་།།
སྣ་ཚོགས་སྒྱུ་མའི་རོལ་གར་ཅིར་ཡང་སྟོན།།
མཐུ་སྟོབས་ཆེན་པོས་དགྲ་བགེགས་རྡུལ་དུ་རློག །
དམ་ཅན་ཆོས་སྐྱོང་རྣམས་ཀྱིས་རྟག་ཏུ་སྲུངས།།
༦༽
འདི་ན་ཟབ་ལམ་དམ་པ་བདུད་ཀྱི་གཅོད།།
ཚེ་གཅིག་གྲོལ་བ་སྟེར་བའི་དམ་པའི་ཆོས།།
སྐལ་ལྡན་ཡིད་ཀྱི་གསོས་སུ་སྤེལ་ལགས་ན།།
བློ་དང་ལྡན་རྣམས་སྤྲོ་བས་འཇུག་པར་གྱིས།།
༧༽
དམ་པའི་སྐྱེས་བུ་དག་ནི་ཞིང་གཞན་གཤེགས།།
སྙིགས་མའི་རྒུད་ཚོགས་དག་ཀྱང་རབ་ཏུ་བདོ།།
ཚུལ་མིན་སྤྱོད་པས་ཉིན་མཚན་དུས་འདའ་བའི།།
མི་སྲུན་སྐྱེས་བུའི་ཚོགས་ནི་རླུང་ལྟར་འཚུབ།།
༨༽
གཅིག་ཏུ་བསྟན་པའི་དོན་ལ་རབ་ཕྱོགས་ཤིང་།།
གཞན་ཕན་སེམས་ཀྱི་དྲི་ངད་མ་ཡལ་བའི།།
སྐྱེས་བུའི་ཚོགས་ནི་ཉིན་མོའི་སྐར་མ་སྟེ།།
གང་དུ་བཞུགས་ནའང་སྒོ་གསུམ་གུས་པས་འདུད།།
༩༽
ཡང་དག་ལམ་ལ་དཀྲི་བའི་ཆོས་ཕུང་ཀུན།།
འགྲོ་བློའི་མོས་པའི་ཁམས་དང་བསྟུན་ལགས་ན།།
རང་རང་གང་ལ་དད་པའི་དམ་ཆོས་ལ།།
སྤྲོ་བས་འཇུག་པར་སུ་ཡིས་འགོག་ནུས་སམ།།
༡༠༽
སྙིགས་མའི་རྒུད་ཚོགས་བདོ་བའི་དོ་ར་འདིར།།
མི་འདོད་དུཿཁས་མནར་བའི་བརྩོན་ར་ལས།།
ཐར་བར་འདོད་པའི་སྐྱེས་བུ་ཇི་སྙེད་ཅིག །
ཅི་སྟེ་ཡོད་ན་ཆོས་འདི་དང་དུ་ལོངས།།
༡༡༽
འདི་ན་ཤེར་ཕྱིན་སྙིང་པོའི་དོན་སྟོན་ཅིང་།།
བདུད་བཞི་དབྱིངས་སུ་གཅོད་པའི་ཐབས་མཆོག་སྟེ།།
གྲངས་མེད་གསུམ་གྱི་ངལ་བ་མི་དགོས་པར།།
ཚེ་གཅིག་གྲོལ་བའི་ཟབ་ལམ་རྨད་དུ་བྱུང་།།
༡༢༽
གྲུབ་མཐའ་བཞི་ལ་འབད་པར་མི་དགོས་ཤིང་།།
ཕར་ཕྱིན་དྲུག་ལ་རིམ་གྱིས་མི་སློབ་པར།།
ཡོད་ཚད་གདན་ཐོག་གཅིག་ཏུ་ཁྱེར་བ་སྟེ།།
ཟབ་ཆོས་འདི་ནི་ཨུ་དུམ་ཝ་ར་ཉིད།།
༡༣༽
སེམས་ཉིད་ཡུལ་གྱི་རྗེས་སུ་མི་འབྲངས་ཤིང་།།
སྣང་ཚད་སེམས་ཀྱི་སྟེང་དུ་འུབ་བསྡུད་པ།།
སེམས་ཀྱང་བཅོས་སུ་མེད་པའི་རང་ངོ་ལ།།
ལྷོད་ཀྱིས་འཇོག་པ་གཅོད་ཀྱི་ཁྱད་ཆོས་ཉིད།།
༡༤༽
སྣ་ཚོགས་སྤྱོད་པས་ཆགས་ཞེན་རྩད་ནས་གཅོད།།
དམིགས་མེད་ལྟ་བས་བདག་འཛིན་དྲུང་ནས་གཅོད།།
ཧཱུྃ་ཕཊཿསྔགས་ཀྱིས་འདྲེ་གདོན་སེམས་སུ་གཅོད།།
སྟོང་ཉིད་ལྟ་བས་འཁོར་འདས་དབྱིངས་སུ་གཅོད།།
༡༥༽
དེ་ལྟར་ཁྱད་དུ་འཕགས་ཤིང་ཟབ་པའི་ཆོས།།
འདི་ཉིད་ནམ་ཡང་སྲིད་པའི་ཁམས་ཀུན་ཏུ།།
ཡལ་བ་མེད་པར་རྟག་ཏུ་རབ་བརྟན་ནས།།
སྐྱེ་དགུའི་རྒུད་ཚོགས་ཞི་བའི་རྒྱུར་གྱུར་ཅིག །
༡༦༽
འདིར་འབད་རྣམ་དཀར་ལེགས་ཚོགས་ཇི་སྙེད་པ།།
གཅིག་ཏུ་བསྡུས་ཤིང་འདུས་པའི་ཕུང་པོ་དེ།།
སྦྱིན་བདག་གཙོ་བྱས་མཁའ་མཉམ་འགྲོ་བ་ཀུན།།
སྐྱེ་མེད་ཡུམ་གྱི་ཀློང་དུ་ངལ་གསོ་ཤོག །
༡༧༽
བསྟན་འཛིན་སྐྱེས་བུའི་སྐུ་ཚེ་བརྟན་པ་དང་།།
བསྟན་པའི་སྦྱིན་བདག་བར་ཆད་ཞི་བ་དང་།།
བསྟན་འཛིན་བུ་སློབ་དག་ཀྱང་ཐུགས་མཐུན་ནས།།
བསྟན་པ་དར་ཞིང་རྒྱས་པའི་རྒྱུ་རུ་བསྔོ།།
ཞེས་པ་འདི་ཡང་ཟབ་མོ་བདུད་ཀྱི་གཅོད་ལ་དད་ཅིང་མོས་པའི་སྙོམས་ལས་པ་དོལ་སྨྱོན་ཧཱུྂ་ནག་མེ་འབར་གྱིས་མཆོད་རྟེན་ཆེན་པོ་བྱ་རུང་ཁ་ཤོར་གྱི་འགྲམ་དུ་བྲིས་པ་དགེའོ།། །།
རང༵་བཞིན་རྣམ་དག་ཆོས་སྐུའི་ཀློང་ན་མཚན་བཅས་སྤྲོས་པའི་མཐའ་བྲལ་ཡང་།།
རང༵་སྣང་འགག་མེད་སྣ་ཚོགས་གཟུགས་ཀྱིས་འགྲོ་བློའི་ཁམས་དང་རྗེས་འཇུག་ཅིང་།།
རང༵་རིག་འོད་གསལ་དོན་གྱི་སྙིང་པོར་ལུས་ཅན་ངལ་གསོའི་དབུགས་དབྱུང་བའི།།
རང༵་བྱུང་མ་ཅིག་མཁའ་འགྲོའི་ཚོགས་ལ་སྒོ་གསུམ་དད་པས་ཕྱག་འཚལ་བསྟོད།།
དོན་དམ་བདེ་བ་ཆེན་པོའི་དབྱིངས་རུམ་ནས།།
སྣ་ཚོགས་ཐབས་ཀྱིས་གཟུགས་ཀྱི་སྐུར་སྤྲུལ་བ།།
རྩ་བའི་བླ་མ་དྲིན་ཅན་ཆོས་ཀྱི་རྗེ།།
དུས་ཀུན་འབྲལ་མེད་སྤྱི་བོའི་གཙུག་ཏུ་མཆོད།།
ཧཱུྃ་ཕཊཿསྔགས་ཀྱི་རང་སྒྲ་སྐྱེན་པོས་སྣང་སྲིད་སེམས་ཀྱི་རང་ངོར་རྟོགས།།
མི་རྐང་ཌ་རུའི་སྒྲ་སྐད་གཅིག་གིས་སྲིད་གསུམ་གདོན་བགེགས་རྡུལ་དུ་བྱས།།
དུར་ཁྲོད་སྦས་མཐའ་བྲག་ཕུག་ཀུན་ཏུ་བག་ཡངས་ཚུལ་གྱིས་ལེགས་བཞུགས་པའི།།
གཅོད་ཡུལ་བརྒྱུད་པའི་བླ་མའི་ཚོགས་ལ་མི་ཕྱེད་དད་པས་གུས་ཕྱག་འཚལ།།
ཤིན་ཏུ་སྤྲོས་མེད་ཟབ་ལམ་བདུད་ཀྱི་གཅོད༵།།
གཅོད༵་བྱེད་མན་ངག་ཕུན་སུམ་ཚོགས་པའི་དོན༵།།
དོན༵་དམ་དབྱིངས་སུ་འདྲེན་པའི་ལམ་མཆོག་འ༵དི།།
འ༵དི་ན་ཡོད་པས་སྤྲོ་བས་འཇུག་པར་གྱིས།།
ཞེས་པའི་ཚིགས་སུ་བཅད་པ་འགས་སྔོན་བསུས་ནས། འདིར་གླེང་བར་བྱ་བ་ནི། དེ་ཡང་བཀའ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་ཡོངས་སུ་རྫོགས་པ་གཅིག་ཏུ་བསྡུས་ཤིང་། དོན་གཉིས་སུ་མེད་པའི་ཡེ་ཤེས་ཀྱི་རང་ངོ་གསལ་བར་སྟོན་པ། དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་བགྲོད་པ་གཅིག་པུའི་ལམ་དུ་གྱུར་ཅིང་། གྲུབ་ཐོབ་དང་རྟོགས་ལྡན་རྣམས་ཀྱི་དངོས་གྲུབ་འཇོ་བའི་སྟེགས་བུར་གནས་པ། ཡུམ་སྲས་གཉིས་ཀྱི་གདམས་པ་ཕྱིན་ཅི་མ་ལོག་པར་རབ་ཏུ་གསལ་ཞིང་འོད་དུ་འཚེར་ལ། ལམ་ཕ་རོལ་ཏུ་ཕྱིན་པ་ལ་བར་དུ་གཅོད་པའི་བདུད་འཇོམས་པའི་ལག་ལེན་གཟི་འོད་འབར་བ། སྟོན་པ་ཤཱཀྱའི་གཙོ་བོ་ནས་བརྒྱུད་པའི་ཆུ་བོ་བར་མ་ཆད་ཅིང་། མ་ཅིག་ལབ་ཀྱི་སྒྲོན་མ་ནས་གདམས་ངག་གི་རླངས་པའི་ངད་མ་ཡལ་བ། དོན་ཟབ་ཅིང་རྒྱ་ཆེ་ལ་ལག་ཏུ་ལེན་བདེ་ཞིང་བྱིན་རླབས་ཀྱི་མཚན་ཁ་ཆེ་བ། གྲངས་མེད་གསུམ་གྱི་ངལ་བ་མི་དགོས་ཤིང་ཚེ་གཙིག་ལུས་གཅིག་ལ་གྲོལ་བའི་གདམས་ངག་ཁྱད་པར་ཅན་གྱིས་རབ་ཏུ་
ཕྱུག་ཅིང་། བདུད་བཞི་དབྱིངས་ཐོག་ཏུ་གཅོད་པའི་ཟབ་ཆོས་ཕུན་གསུམ་ཚོགས་པ་ཟབ་མོ་དོན་གྱི་ཉིང་ཁུ་ཞེས་བྱ་བའི་ཆོས་ཚན་འདི་དག སྔར་གྱི་མ་དཔེ་རྙིང་པ་དག་རལ་ཟད་དུ་གྱུར་ཅིང་གསར་དུ་དཔར་པ་རེ་ཟུང་དག་ཀྱང་དོན་ནོར་དང་ཡིག་ནོར་ཤིན་ཏུ་མང་བར་བརྟེན། ད་ལན་གྲགས་འདོད་དང་ངོམས་འདོད་ཀྱི་ཀུན་སློང་ངན་པས་མ་བསླད་ཅིང་། སྤྱིར་རྒྱལ་བསྟན་སྤྱི་དང་ཡང་དགོས་ཟབ་མོ་བདུད་ཀྱི་གཅོད་ཡུལ་གྱི་བསྟན་པ་ལ་ཕན་དུ་རེ་བའི་ལྷག་བསམ་བཟང་པོ་ཀུན་ནས་བསླངས་ཏེ། ལག་ཏུ་གང་འབྱོར་གྱི་དཔེ་རྙིང་དག་ལ་ཁུངས་གཏུག་ཞིབ་བསྡུར་བྱས་ཤིང་། དོན་ནོར་ཚིག་ནོར་དག་ལ་ཞུ་དག་དང་ལེགས་བཅོས་གང་ཐུབ་གྱིས་བསྒྲུབས་པར་བརྟེན། རང་གཞན་སུས་ཀྱང་ཡིད་རྟོན་ངེས་པའི་གནས་སུ་གྱུར་བའི་ཟབ་ཆོས། བདུད་གཅོད་ཟབ་མོ་དོན་གྱི་ཉིང་ཁུ་ཞེས་སུ་གྲགས་པའི་ཆོས་ཚན་རྣམས་རིམ་པར་བཀོད་ན། གཞུང་དང་འདོན་ཆ་གཉིས། དང་པོ་གཞུང་ལའང་རྩ་བ་དང་ཡན་ལག་གཉིས་ལས།
༈ དང་པོ་རྩ་བའི་སྐོར་ལ།
༡༽ ཆོས་ཚན་འདིའི་སྤྱི་ཆིངས་སུ་གནས་པ་ཟབ་མོ་དོན་གྱི་ཉིང་ཁུ།
༢༽ བརྒྱུད་གཏམ་མུ་ཏིག་ཕྲེང་བ།
༣༽ དབང་བསྐུར་བྱིན་རླབས་རྒྱ་མཚོ།
༤༽ དོན་ཁྲིད་ཡིད་བཞིན་ནོར་བུ།
༥༽ ཉམས་ལེན་དངོས་གྲུབ་ལག་བཅངས།
༦༽ གེགས་སེལ་གནད་ཀྱི་ལྡེ་མིག
༧༽ བོགས་འདོན་ཡོན་ཏན་གཏེར་འཛོད།
༨༽ མན་ངག་ཟ་འོག་རས་མ།
༩༽ ལྷན་ཐབས་དགོས་འདོད་ཀུན་འབྱུང་བཅས་ཆོས་ཚན་དགུ་རུ་བཞུགས་པའོ།།
༈ གཉིས་པ་ཡན་ལག་གི་ཆོས་སྐོར་ནི།
༡༽ གཅོད་ཀྱི་གེགས་སེལ་ཆེན་མོ་ཤོག་སྒྲིལ་བདུན་མ།
༢༽ བདུད་བཞི་ངོས་འཛིན་རྒྱལ་ཐང་པས་མཛད་པ།
༣༽ རི་ཆོས་ཞལ་གདམས་བདུད་རྩིའི་ཐིགས་པ།
༤༽ སློབ་དཔོན་པདྨས་མཛད་པའི་ཕཊཿཀྱི་རྣམ་བཤད།
༥༽ མ་ཅིག་གི་ཕཊཿཀྱི་བསྙེན་པ་སྐྱེལ་ཚུལ།
༦༽ ཌ་མ་རུ་དང་རྐང་གླིང་གི་སྒྲ་བཤད།
༧༽ མ་ཅིག་ཁྲོས་མ་ནག་མོའི་མཐའ་གཏད་ཉེར་ལྔ།
༨༽ གཅོད་བསྡུས་རིན་ཆེན་སྒྲོན་མེ།
༩༽ གཉན་ཁྲོད་ཞགས་བདུན་མ་བཅས་ཡོངས་རྫོགས་བསྡོམས་པས་ཆོས་ཚན་བཅུ་དགུར་བཞུགས་སོ།།
གཉིས་པ་འདོན་ཆའི་སྐོར་ལ། དེ་ལའང་གཞུང་དང་གར་འཆམ་གཉིས་ལས།
དང་པོ་ལ།
༡༽ ཡུམ་ཆེན་མོའི་སྒྲུབ་ཐབས།
༢༽ རྒྱལ་ཐང་གཞུང་།
༣༽ ཚོགས་མཆོད་སྤྲིན་ཕུང་རྒྱ་མཚོ་བཅས་ཆོས་ཚན་གསུམ་མོ།།
གཉིས་པ་གར་འཆམ་གྱི་སྐོར་ལ།
༡༽ མཁའ་འགྲོ་འབུམ་སྐུལ།
༢༽ ས་འདུལ་བསྟན་པའི་བདག་པོ།
༣༽ གོམ་སྟབས་བརྒྱད་མ།
༤༽ མ་ཅིག་ཁྲོས་མ་ནག་མོ།
༥༽ རྒྱལ་ཐང་པས་མཛད་པའི་ཚོགས་མཆོད།
༦༽ མ་ཅིག་གི་ཚོགས་མཆོད།
༧༽ གཤེད་འབྲལ།
༨༽ བྱ་འགུག
༩༽ བྲོ་རྡུང་བསྡུས་པ།
༡༠༽ བྲོ་རྡུང་ཀུན་གྲོལ་ཆེན་མོ།
༡༡༽ དབང་བསྐུར་དགོངས་སྐྱོད།
༡༢༽ དཀར་མོ་དགོངས་སྐྱོད།
༡༣༽ བདུར་ཁྲོད་དགོངས་སྐྱོད། བཅུ་གསུམ་བཅས་བསྡོམས་པས་ཆོས་ཚན་བཅུ་དྲུག་ཏུ་བཞུགས་ཤིང་ཁྱོན་བསྡོམས་ཆོས་ཚན་སུམ་ཅུ་སོ་ལྔར་བཞུགས་པའོ།།
སླར་སྨྲས་པ།
རྣམ༵་དག་ལྷག་བསམ་གཙང་མའི་སྟོབས་ནི་ཟད་མེད་ག་བུར་བདུད་རྩིའི་རྒྱུན།།
རྣམ༵་མཁྱེན་ཞི་བའི་རྒྱ་མཚོ་ཆེན་པོར་ཐ་དད་མེད་པར་རབ་འདྲེས་ཤིང་།།
རྣམ༵་གྲོལ་ཞི་སིལ་རྒྱལ་བའི་ལམ་བཟང་སྲིད་པའི་མིག་ཏུ་རྟག་བརྟན་ནས།།
རྣམ༵་མང་འགྲོ་བའི་དུ་ཁ་ཡོངས་རྫོགས་ཞི་བའི་དབྱིངས་སུ་ཡལ་གྱུར་ཅིག།།
༡༽
རྣམ་འདྲེན་མཚུངས་མེད་ཤཱཀྱའི་རྒྱལ་པོ་དང་།།
ཞི་བ་ཆགས་བྲལ་གསུང་རབ་དམ་པའི་ཆོས།།
ཚོགས་ཀྱི་དམ་པ་སྐྱབས་མཆོག་དགེ་འདུན་ཏེ།།
སྐྱབས་གནས་གསུམ་གྱིས་དེང་འདིར་ཤིས་པར་མཛོད།།
༢༽
རང་རིག་དམ་པ་དོན་གྱི་གཞལ་ཡས་ནས།།
རང་སྣང་འགག་མེད་འགྲོ་ལ་རྗེས་བརྩེ་བའི།།
རང་བྱུང་དོན་གྱི་མཁའ་འགྲོ་སྡེ་ལྔ་ལ།།
རང་རིག་རང་གསལ་དག་པས་གུས་ཕྱག་འཚལ།།
༣༽
སྐྱེ་མེད་ཡུམ་གྱི་མཁའ་ལ་རྟག་རོལ་ཀྱང་།།
འགག་མེད་ཐུགས་རྗེའི་སྤྱན་ཟུང་མི་ཟུམ་པར།།
འབྲལ་མེད་སྐལ་ལྡན་བུ་ལ་ལེགས་གཟིགས་པའི།།
དབྱེར་མེད་གཅོད་ཡུལ་བརྒྱུད་པས་དུས་ཀུན་སྐྱོངས།།
༤༽
བརྒྱད་ཁྲི་བཞི་སྟོང་ཆོས་ཀྱི་སྙིང་པོའི་དོན།།
མ་ཚང་མེད་པ་གཅིག་ཏུ་རབ་འདུས་ཤིང་།།
སྐལ་ལྡན་ཐར་པར་འདྲེན་པའི་ལམ་མཆོག་སྟེ།།
དམ་ཆོས་གཅོད་ཡུལ་སྤྱི་བོའི་གཙུག་ཏུ་བཀུར།།
༥༽
དབྱེར་མེད་ཆོས་ཀྱི་དབྱིངས་སུ་འབྱམས་ཀླས་ཀྱང་།།
སྣ་ཚོགས་སྒྱུ་མའི་རོལ་གར་ཅིར་ཡང་སྟོན།།
མཐུ་སྟོབས་ཆེན་པོས་དགྲ་བགེགས་རྡུལ་དུ་རློག །
དམ་ཅན་ཆོས་སྐྱོང་རྣམས་ཀྱིས་རྟག་ཏུ་སྲུངས།།
༦༽
འདི་ན་ཟབ་ལམ་དམ་པ་བདུད་ཀྱི་གཅོད།།
ཚེ་གཅིག་གྲོལ་བ་སྟེར་བའི་དམ་པའི་ཆོས།།
སྐལ་ལྡན་ཡིད་ཀྱི་གསོས་སུ་སྤེལ་ལགས་ན།།
བློ་དང་ལྡན་རྣམས་སྤྲོ་བས་འཇུག་པར་གྱིས།།
༧༽
དམ་པའི་སྐྱེས་བུ་དག་ནི་ཞིང་གཞན་གཤེགས།།
སྙིགས་མའི་རྒུད་ཚོགས་དག་ཀྱང་རབ་ཏུ་བདོ།།
ཚུལ་མིན་སྤྱོད་པས་ཉིན་མཚན་དུས་འདའ་བའི།།
མི་སྲུན་སྐྱེས་བུའི་ཚོགས་ནི་རླུང་ལྟར་འཚུབ།།
༨༽
གཅིག་ཏུ་བསྟན་པའི་དོན་ལ་རབ་ཕྱོགས་ཤིང་།།
གཞན་ཕན་སེམས་ཀྱི་དྲི་ངད་མ་ཡལ་བའི།།
སྐྱེས་བུའི་ཚོགས་ནི་ཉིན་མོའི་སྐར་མ་སྟེ།།
གང་དུ་བཞུགས་ནའང་སྒོ་གསུམ་གུས་པས་འདུད།།
༩༽
ཡང་དག་ལམ་ལ་དཀྲི་བའི་ཆོས་ཕུང་ཀུན།།
འགྲོ་བློའི་མོས་པའི་ཁམས་དང་བསྟུན་ལགས་ན།།
རང་རང་གང་ལ་དད་པའི་དམ་ཆོས་ལ།།
སྤྲོ་བས་འཇུག་པར་སུ་ཡིས་འགོག་ནུས་སམ།།
༡༠༽
སྙིགས་མའི་རྒུད་ཚོགས་བདོ་བའི་དོ་ར་འདིར།།
མི་འདོད་དུཿཁས་མནར་བའི་བརྩོན་ར་ལས།།
ཐར་བར་འདོད་པའི་སྐྱེས་བུ་ཇི་སྙེད་ཅིག །
ཅི་སྟེ་ཡོད་ན་ཆོས་འདི་དང་དུ་ལོངས།།
༡༡༽
འདི་ན་ཤེར་ཕྱིན་སྙིང་པོའི་དོན་སྟོན་ཅིང་།།
བདུད་བཞི་དབྱིངས་སུ་གཅོད་པའི་ཐབས་མཆོག་སྟེ།།
གྲངས་མེད་གསུམ་གྱི་ངལ་བ་མི་དགོས་པར།།
ཚེ་གཅིག་གྲོལ་བའི་ཟབ་ལམ་རྨད་དུ་བྱུང་།།
༡༢༽
གྲུབ་མཐའ་བཞི་ལ་འབད་པར་མི་དགོས་ཤིང་།།
ཕར་ཕྱིན་དྲུག་ལ་རིམ་གྱིས་མི་སློབ་པར།།
ཡོད་ཚད་གདན་ཐོག་གཅིག་ཏུ་ཁྱེར་བ་སྟེ།།
ཟབ་ཆོས་འདི་ནི་ཨུ་དུམ་ཝ་ར་ཉིད།།
༡༣༽
སེམས་ཉིད་ཡུལ་གྱི་རྗེས་སུ་མི་འབྲངས་ཤིང་།།
སྣང་ཚད་སེམས་ཀྱི་སྟེང་དུ་འུབ་བསྡུད་པ།།
སེམས་ཀྱང་བཅོས་སུ་མེད་པའི་རང་ངོ་ལ།།
ལྷོད་ཀྱིས་འཇོག་པ་གཅོད་ཀྱི་ཁྱད་ཆོས་ཉིད།།
༡༤༽
སྣ་ཚོགས་སྤྱོད་པས་ཆགས་ཞེན་རྩད་ནས་གཅོད།།
དམིགས་མེད་ལྟ་བས་བདག་འཛིན་དྲུང་ནས་གཅོད།།
ཧཱུྃ་ཕཊཿསྔགས་ཀྱིས་འདྲེ་གདོན་སེམས་སུ་གཅོད།།
སྟོང་ཉིད་ལྟ་བས་འཁོར་འདས་དབྱིངས་སུ་གཅོད།།
༡༥༽
དེ་ལྟར་ཁྱད་དུ་འཕགས་ཤིང་ཟབ་པའི་ཆོས།།
འདི་ཉིད་ནམ་ཡང་སྲིད་པའི་ཁམས་ཀུན་ཏུ།།
ཡལ་བ་མེད་པར་རྟག་ཏུ་རབ་བརྟན་ནས།།
སྐྱེ་དགུའི་རྒུད་ཚོགས་ཞི་བའི་རྒྱུར་གྱུར་ཅིག །
༡༦༽
འདིར་འབད་རྣམ་དཀར་ལེགས་ཚོགས་ཇི་སྙེད་པ།།
གཅིག་ཏུ་བསྡུས་ཤིང་འདུས་པའི་ཕུང་པོ་དེ།།
སྦྱིན་བདག་གཙོ་བྱས་མཁའ་མཉམ་འགྲོ་བ་ཀུན།།
སྐྱེ་མེད་ཡུམ་གྱི་ཀློང་དུ་ངལ་གསོ་ཤོག །
༡༧༽
བསྟན་འཛིན་སྐྱེས་བུའི་སྐུ་ཚེ་བརྟན་པ་དང་།།
བསྟན་པའི་སྦྱིན་བདག་བར་ཆད་ཞི་བ་དང་།།
བསྟན་འཛིན་བུ་སློབ་དག་ཀྱང་ཐུགས་མཐུན་ནས།།
བསྟན་པ་དར་ཞིང་རྒྱས་པའི་རྒྱུ་རུ་བསྔོ།།
ཞེས་པ་འདི་ཡང་ཟབ་མོ་བདུད་ཀྱི་གཅོད་ལ་དད་ཅིང་མོས་པའི་སྙོམས་ལས་པ་དོལ་སྨྱོན་ཧཱུྂ་ནག་མེ་འབར་གྱིས་མཆོད་རྟེན་ཆེན་པོ་བྱ་རུང་ཁ་ཤོར་གྱི་འགྲམ་དུ་བྲིས་པ་དགེའོ།། །།
Subscribe to:
Post Comments (Atom)
0 comments:
Post a Comment