དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Monday 24 March 2014
མ་ལེ་ཤ་ཡའི་གནམ་གྲུ་ཞིག་གི་འདས་སོང་ཡོངས་ལ་བསྔོ་སྨོན།
ཨོཾ་ཨྰཿཧྰུྃ་ཧྲྰིཿ





 
Photo: གར་སོང་ཆ་མེད་གྱུར་པའི་གནམ་གྲུ་དེ།།
དེ་རིང་རྒྱ་གར་རྒྱ་མཚོའི་ནང་ན་རྙེད།།
འོན་ཀྱང་འགྲུལ་པ་ཡོངས་རྫོགས་ཚེ་ལས་འདས།།
མུག་འཆི་ཐེབས་པར་སྐྱོ་གདུངས་བཟོད་ཐབས་བྲལ།།
ཡིན་ཡང་བཟང་ཤོས་དགེ་ཆོས་འདས་མཆོད་ལས།།
བྱ་ཐབས་གཞན་ཞིག་ཡོད་པ་མ་ཆས་སོ།།
 
 
 
 
 
 
 
 
 
ཆོས་སྐུ་སྣང་བ་མཐའ་ཡས་རྡོ་རྗེ་ཆོས།།
ལོངས་སྐུ་སྤྱན་རས་གཟིགས་དབང་གར་གྱི་མཆོག།
སྤྲུལ་སྐུ་པདྨ་འབྱུང་གནས་རིན་པོ་ཆེ།།
གསོལ་བ་འདེབས་སོ་མཆོག་ཐུན་དངོས་གྲུབ་སྩོལ།།
གང་མཚན་ཐོས་པས་སྡུག་ཀུན་མུན་སེལ་བའི།།
གཞོན་ནུ་སྙིང་རྗེའི་རང་གཟུགས་རྒྱལ་སྲས་ཀུན།།
ཐུགས་རྗེ་མ་གཡེལ་འདི་ཕྱི་བར་དོ་ལ།།
འཇིགས་སྐྲག་སྡུག་བསྔལ་མ་ལུས་སེལ་བར་མཛོད།།
ཁྱད་པར་འཇིགས་རུང་གནམ་གྲུར་ཤོར་སྐྱོན་ལས།།
མ་ཧ་སུམ་བརྒྱ་བདུན་ཅུའི་སྡུག་བསྔལ་རྣམས།།
མྱུར་ཏུ་ཞི་ནས་བདེ་ཆེན་དཔལ་དམ་པར།།
རྒྱལ་དང་རྒྱལ་བའི་སྲས་བཅས་ཐུགས་རྗེས་ཟུངས།།
མཆོག་གསུམ་རྒྱལ་བ་སྲས་བཅས་ར་མདའ་སྒྲོན།།
ཤིན་ཏུ་འཇིགས་རུང་བར་དོའི་སྡུག་བསྔལ་སྐབས།།
སྒྲ་འོད་ཟེར་གསུམ་རང་རིག་རང་ངོ་ཤེས།།
བདེ་ཆེན་དག་པའི་ཞིང་དུ་སྐྱེ་བར་ཤོག།
ཨོཾ་ཨ་མི་དྷེ་ཝ་ཧྲྰིཿ ཨོཾ་མ་ཎི་པདྨེ་ཧྰུྃ་ཧྲྰི༔ ཨོཾ་ཨྰཿཧྰུྃ་བཛྲ་གུ་རུ་པདྨ་སིདྡྷི་ཧྰུྃ།།ཨོྃ་ཨྰཿཧྰུྃ་ཧྲྰིཿབྷྲྰུྃ།།
མཆོག་གསུམ་རྒྱལ་རྒྱ་མཚོས་བྱིན་རླབས་ཀྱིས།།

སྐུ་གསུམ་རྒྱལ་བའི་ཞིང་ཁམས་ལྷུན་གྲུབ་ནས།།
ཐེག་གསུམ་ཆོས་ཀྱི་དཔལ་ལ་ལོངས་སྤྱོད་དེ།།
སྒོ་གསུམ་སྨིན་གྲོལ་ཀུན་བཟང་དཔལ་ཐོབ་ཤོག།
ཅེས་པ་མ་ལེ་ཤ་ཡའི་གནམ་གྲུ་ཤོར་རྐྱེན་ལ་གང་དྲན་དུ་ཤྲྰིཿཨེ་མ་ཧོས་སྙིང་ནས་གསོལ་འདེབས་སྨོན་པར་དགེའོ།། །།

0 comments:

ཟིན་བྲིས་འཚོལ་ཡུལ